Віншаванне з перамогай на прэзідэнцкіх выбарах накіраваў Ніколя Сарказі лідэр дэмакратычных сіл Беларусі Аляксандр Мілінкевіч.
«Я вельмі хачу павіншаваць Вас і пажадаць поспехаў у Вашай магутнай задачы годна адказаць на ўсе выклікі, што стаяць перад Вашай краінай. Я веру, што падчас Вашага прэзідэнства, Францыя, радзіма барацьбы за свабоду і правы чалавека, будзе працягваць аказваць сваю грунтоўную падтрымку ўсім тым, хто змагаецца за свабоду і супраць несправядлівасці ва ўсім свеце», — гаворыцца ў віншавальным лісце.
Аляксандр Мілінкевіч таксама падзякаваў за «падтрымку беларускіх дэмакратычных сіл па аднаўленні ў Беларусі дэмакратыі і вяртання краіны ў еўрапейскую сям’ю дэмакратычных нацыяў».
Лідэр дэмакратычных сіл Беларусі адзначыў, што з асаблівым пачуццём гонару ўзгадвае сустрэчу са Сп. Ніколя ў Марсэле на з’ездзе ЕРР. «Менавіта там я змог пераканацца ў Вашай энергіі, самаадданасці і жаданні адстойваць Еўрапейскія каштоўнасці і ідэі дзеля дабра Вашай краіны»
Тэкст і фота