Арганізатары кангрэсу атрымалі ліст з гарвыканкаму за подпісам намесьніка старшыні М.Мятліцкага.
У лісьце гаворыцца, што Менгарвыканкам ня супраць правядзеньня сходу 26‑27 траўня 2007 г. з 10:00 да 20:00 у залі філіялу РУП «МАЗ» «Палац культуры «МАЗ» (пр. Партызанскі, 117А).
Для выкарыстаньня дадзенага памяшканьня арганізатарам неабходна заключыць дамову з кіраўніцтвам Палацу культуры «МАЗ». Пры гэтым праграму правядзеньня мерапрыемства, а таксама пытаньні забесьпячэньня грамадзкага парадку неабходна ўзгадніць з ГУУС Мінгарвыканкама.
Намесьнік старшыні Менгарвыканкаму нагадаў, што захаваньне грамадзкага парадку і дзеючага заканадаўства ўдзельнікамі мерапрыемстваў забясьпечваюць іх арганізатары і што за парушэньне парадку арганізацыі і правядзеньня мерапрыемстваў прадугледжана адказнасьць у адпаведнасьці з дзеючым заканадаўствам.
