Сёньня ў судзе Савецкага раёну Менску разглядалі спарвы заяўнікоў «Чарнобыльскага шляху»актывіста БНФ Юрася Зяньковіча і сябры Палітрады АГП Валянціны Палевіковай. Пасьля разгляду справаў па сутнасьці працэсы перанесеныя адпаведна на пятніцу і панядзелак.
Абодвух заяўнікоў апазыцыйнай дэманстрацыі абвінавацілі ў парушэньні яе ўдзельнікамі фармату дазволенай акцыі, калі тыя выйшлі на праездную частку вуліцы.
Судзьдзя Людміла Савасьцян заслухала паказаньні сьведкаў, прагледзела апэратыўную відэастужку і вырашыла перанесці працэс над Палевіковай на панядзелак на 9 гадзін раніцы.
Судзьдзя Аксана Рэлява пасьля разгляду справы Зяньковіча перанесла абвяшчэньне прысуду на заўтрашнюю раніцу.
Спадар Зяньковіч з гэтай нагоды заявіў Свабодзе, што пасьля выступу сьведкаў ягоная справа развалілася ў судзе.
