У хаце дэпутата Мастоўскага раённага і Луньненскага сельскага саветаў Аляксандра Пудаўкіна (Партыя камуністаў) прайшоў ператрус. Сканфіскавалі сыстэмны блёк кампутара, распытвалі, скуль у яго агітацыйныя матэрыялы за Мілінкевіча. Аказалася, ён праходзіць сьведкам па справе «Дзейнасьць незарэгістраванай арганізацыі» (справа «Партнэрства»). Сёньня яго выклікалі на допыт да сьледчага.
Падазраваным па справе праходзіць хлопец з Мастоў Зьміцер Панасік.
А.Пудаўкін заявіў «Нашай Ніве», што кампутар яму паабяцалі вярнуць. Камуніст шкадуе, што такім чынам яго адцягнулі ад назіраньня за галасаваньнем сёньня. Ён мае назіраць за ходам галасаваньня ў нядзелю.
0
0
0
0
0
0
