Сямён & Мадлен
Зь візытам на паўночнаамэрыканскім кантынэнце зараз знаходзіцца Старшыня Вярхоўнага Савету Беларусі. У праграме — наведваньне канадзкіх унівэрсытэтаў ды сустрэчы з прадстаўнікамі грамадзкіх аб’яднаньняў гэтай краіны. На пасьля заплянаваны візыт у Злучаныя Штаты, дзе кіраўнік беларускага парлямэнту мае пабачыцца з функцыянэрамі Дзярждэпартамэнту і амэрыканскімі кангрэсмэнамі. Спачатку Сямён Шарэцкі зьбіраўся адбыць дахаты 6 лютага, але пляны нечакана зьмяніліся, бо, паводле пяпярэдніх зьвестак, 7-га мусіць адбыцца сустрэча зь дзяржсакратаркай ЗША Мадлен Олбрайт, дзе будуць абмеркаваныя найактуальнейшыя праблемы палітычнага становішча ў Беларусі, найперш будзе ўзьнятая тэма выбараў.
А.Прас.
0
0
0
0
0
0
