Выстава для ўдзельнікаў сьвята
Творчае супрацоўніцтва паэта Алеся Разанава і мастака Віктара Маркаўца доўжыцца шмат гадоў. Ня раз рабілі яны сумесныя выставы. Цяпер яны рыхтуюць нешта зусім нечаканае і новае. Сваю новую выставу-акцыю «Адваротная сымэтрыя» яны адкрываюць на Дзень Волі 25 сакавіка. Выстава-акцыя пройдзе ў гістарычным цэнтры Менску — у мастакоўскіх майстэрнях, што ў Ракаўскім прадмесьці, на Дзімітрава, 3, якія доўгі час былі натхнёным асяродкам беларушчыны. Але цяпер гэтым майстэрням рэальна пагражае руйнаваньне — «НН» пра гэта пісала.
Асуджаныя ўладамі на небыцьцё майстэрні 25 сакавіка прамовяць выставай адмысловага мастацтва і адбіткамі-ценямі падзеяў. Адкрыцьцё выставы а 14-ай гадзіне.
с.х.
0
0
0
0
0
0
