Паштовая скрынка
Валер’ю П. зь Менску. Незразумела гэта нам з нашае беларускае вежы. Мы жывем у іншай рэчаіснасьці. Гэтыя паездкі ў Маскву па прызнаньне нам нагадваюць найгоршыя часы і лёсы. Спасылкі на аўтарытэт Таркоўскага й Кузьняцова значаць, што няма прарокаў у сваёй Айчыне, і ня больш.
Руслану Р. з Баранавічаў. А яшчэ лепш, каб гэта былі ня голыя факты, а разгорнутая карэспандэнцыя — Вам будзе цікавей пісаць, а чытачам — чытаць.
Андрэю М. з Горадні. Першамай апісаны жвавенька, але дасылалі Вы карэспандэнцыю марудна: дайшло нам толькі 6-га.