Новыя кнігі, дасланыя ў рэдакцыю
Т.Шамякіна. Міталёгія Беларусі (Нарысы). — Менск: Мастацкая літаратура, 2000. — 400 с. — Наклад 1024 ас. ISBN 985-02-0419-2
Беларуская міталёгія паказана як сьветаглядная сыстэма ў кантэксьце ўсясьветнае. Прасочваецца яе сувязь з дэкарацыйным мастацтвам і дойлідзтвам, разглядаецца роля міталёгіі ў розных сфэрах жыцьця. Аўтарка вылучае на Зямлі пяць цывілізацый: заходнюю, праваслаўную, ісламскую, індускую й далёкаўсходнюю, прылучаючы Беларусь да праваслаўнае. Т.Шамякіна разглядае беларускія міты ў кантэксьце сымбіёзу праваслаўнага хрысьціянства й “паганьства” (слова “паганства” аўтарка піша зь мяккім знакам). Кніга праз малы наклад не паступала ў кнігарні.
Н.Гілевіч. Збор твораў. Т. 3: Вершы й паэмы 1993–1999 г. — Менск: Мастацкая літаратура, 2001. — 350 с., іл. — Наклад 3500 ас. ISBN 985-02-0155-Х
У 3-м томе збору твораў народнага паэта Н.Гілевіча ягоныя апошнія вершы, паэмы “Не хварэй!”, ““Палянэз” Агінскага”. Цана кнігі — 750 р.
А.Лісаў, А.Падліпскі. Краязнавец Мікалай Касьпяровіч. — Віцебск: УПП “Віцебская абласная друкарня”, 2000. — 46 с., іл. — Наклад 500 ас. ISBN 985-6326-56-8
М.Касьпяровіч (1900–1937) — выдатны краязнавец; у кнізе грунтоўна разглядаецца ягонае жыцьцё, аналізуюцца працы, падаюцца асноўныя падзеі жыцьця, сьпіс публікацый пра краязнаўцу. Кнігу выдаў віцебскі краязнаўчы фонд імя А.Сапунова.
І.Івашка. Чары вячыстага краю: Вершы. — Менск: Беларускі кнігазбор, 2001. — 176 с. — Наклад 500 ас. ISBN 985-6638-12-7
Л.Сільнова. Зеленавокія воі й іх прыгажуні: Вершы з прысьвячэньнем. — Менск: Беларускі кнігазбор, 2001. — 72 с. — Наклад 400 ас. ISBN 985-6638-07-0
Да кожнага вершу ў новым зборніку паэзіі Людкі Сільновай чытач знойдзе прысьвячэньне таму або іншаму вядомаму чалавеку: калегу, настаўніку або сябру паэткі.
А.Выгодзкі. Сузор’е дабрыні: Кніга прозы. — Менск: Беларускі кнігазбор, 2000. — 288 с. — Наклад 1000 ас. ISBN 985-6318-92-0
А.Марціновіч. Элегіі забытых дарог: Гістарычныя нарысы, эсэ. — Менск: Полымя, 2001. — 544 с., іл. — Наклад 3000 ас. ISBN 985-07-0372-5
У новай кнізе А.Марціновіча — нарысы пра славутых беларусаў ад мастака Валенція Ваньковіча да адкрывальнікаў Сібіры.
О.Пронько. Семья Машеровых: Биографическая повесть. — Горадня: Горадзенская друкарня, 2000. — 292 с. — Наклад 3000 ас. ISBN 985-6339-16-2
Кнігу пра сям’ю Пятра Машэрава можна набыць у менскай “Кнігарні пісьменьніка” за 725 р.
В.Станішэўскі. Радавод сям’і Ўлашчыкаў: Гістарычны нарыс. — Менск: Беларускі кнігазбор, 2001. — 108 с., іл. — Наклад 200 ас. ISBN 985-6638-11-9
На падставе матэрыялаў Нацыянальнага гістарычнага архіву аўтар склаў радавод сям’і Ўлашчыкаў за апошнія 300 гадоў. Пры канцы кнігі — рэпрадукцыі дакумэнтаў і здымкі некаторых асобаў зь сям’і Ўлашчыкаў.
Віктар Мухін
