Л іст у рэдакцыю
Курапаты: па сьлядох мінулага
Мне давялося нарадзіцца ў дзень гвалтоўнай сьмерці беларускага паэта Тодара Кляшторнага, які быў рэпрэсаваны 30 кастрычніка 1937 г., але з розьніцай у больш чым сорак гадоў. Дачка паэта, Мая Кляшторная, мяркуе, што бацька быў расстраляны ў Курапатах, як і тысячы іншых ахвяраў. У суботу яе, а таксама сяброў “Мартыралёгу Беларусі” можна было пабачыць у тым жалобным месцы за працай па ўпарадкаваньні мэмарыялу і падрыхтоўцы да сьвята Радуніцы.
Тыя некалькі дзясяткаў крыжоў, што стаяць зараз у Курапатах, перавязаныя белымі і бел-чырвона-белымі хустачкамі. Тут заўсёды спакойна... Толькі на купіне сярод кустоўя я пабачыў белую чалавечую костку...
Курапаты чакаюць новых крыжоў.
...Пад воплескі асеньнія
Вось там,
У тыя дні
Мяне па той аселіцы
Расстрэліваць вялі...
Тодар Кляшторны.
Па сьлядох мінулага
Андрусь Белавокі, Менск
