Нагадаем, што ўвечары 20 чэрвеня беларускія грамадзяне, якія выказалі жаданне пакінуць палесцінскія тэрыторыі з‑за ўзброенага канфлікту, што разгарэўся там, перасяклі мяжу Ізраіля і Іарданіі.
21 чэрвеня ў 13.30 па мінскім часе самалёт з групай з 73 грамадзян Расіі і сямі грамадзян Беларусі вылецеў з Амана ў Маскву.
Паводле слоў дыпламата, самалёт прызямліўся ў аэрапорце «Дамадзедава» ў 17.40 па мінскім часе. У Маскву прыбылі дзве жанчыны і пяцёра дзяцей. Цяпер з імі працуюць прадстаўнікі консульскай службы, з тым каб уладзіць неабходныя фармальнасці. Справа ў тым, што ёсць праблемы з дакументамі — пратэрмінаваны пашпарт, савецкі пашпарт узору 1974 года. Эвакуяваным аформяць пасведчанне на вяртанне, і яны адправяцца на Беларускі вакзал. Для іх ўжо забраніраваны білеты на цягнік да Мінска. Ён адыходзіць у 22.25 па мінскім часе.
У палесцінскім сектары Газа на мінулым тыдні ўладу захапіла радыкальная ісламская групоўка ХАМАС, якая выступіла супраць умеранага руху ФАТХ. У выніку сутыкненняў загінула каля 130 чалавек.