Рада Беларускага ПЭН-цэнтру зьвярнулася ў Сусьветны ПЭН-клюб з прапановай абвясьціць 29 кастрычніка Сусьветным днём памяці рэпрэсаваных пісьменьнікаў.
Ноч з 29 на 30 кастрычніка 1937 г. сталася «чорным днём календара» для нашае літаратуры. За адну ноч у Курапатах энкавэдысты расстралялі 22 літаратараў. Усяго ж, па падліках дасьледчыка Леаніда Маракова, за сталінскі час рэпрэсавалі 440 беларускіх пісьменьнікаў з 550-ці, якія на той час займаліся творчасьцю.
Абвесьціць гэты кастрычніцкі дзень Днём памяці прапанаваў гісторык Анатоль Сідарэвіч. Валянцін Тарас мяркуе, што гэта важна зрабіць цяпер, калі свабода творчасьці ў Беларусі зноў зазнае ўціск.
А.Ш.
0
0
0
0
0
0
