Вершы
* * *
Я памру не інакш
Як конь, які страціў зубы.
Звалюся, загнаны ў баразьне.
Я памру не інакш
Як налітае золатам лісьце,
Пазбаўленае моцы трымацца
На дрэве жыцьця.
Я памру не інакш
Як краска, якой паспрыяла
Завянуць пчала,
Мёдам частуючыся.
Я памру не інакш
Як народзіцца ўнук,
А ва ўнука народзіцца сын.
Я памру інакш...
Не чакаючы другога прышэсьця.
Толькі ў гэтым жыцьці
Рай і пекла…
І ўсё ж такі, як гэта ні балюча,
Я памру.
Лінова
0
0
0
0
0
0