Высокі пакой
І.
За вокнамі — від гарадзкі, беларускі:
Дамы — абутковыя скрынкі ды вузкі
Асфальтавы пас, як прашытай, дарогі.
(Аўто… мінакі — ўсё галовы і ногі…).
ІІ.
А тут, каля песенек вечных фантану
(Здаецца, Кутуньё або Чэлентана), —
Маўклівая споведзь за келіхам соку
Ў пакоі… паверце, што самым высокім!
ІІІ.
І сьцены кватэры — убок адплываюць,
Калі тыя двое свой час дапіваюць...
Нядзеля. Свабода. Уяўная выспа.
Найноўшы парадак… І неба — так блізка!
0
0
0
0
0
0