Мы любім вас усіх
Мы любім вас усіх,
І вашы ўсе заслугі
Ня сьцерліся з худых
Плячэй зь сьлядамі пугі.
З пашанай хілім карк
Да самых ботаў, нізка,
Нічога, што рука
Чагось шукае блізка.
Калі ж пад рызманом
Вам нешта ўдасца выкрыць —
Сякеру альбо лом,
Ці ў слове нашым іскры, —
Ня трэба дзіка выць
І псуць жалезам зубы,
Ня можа нешта быць,
Калі мы вас так любім!
Сьвятыя вы для нас,
Вялікія над ўсімі, —
А некалі ж мы вас
Яшчэ вышэй падымем!
1937
0
0
0
0
0
0
