Напярэдадні рэфэрэндуму ў Менску зьявіўся дыск, аздоблены ў стылістыцы сац-арту, на якім сабраны песьні беларускіх гуртоў, што падпалі пад забарону ў роднай краіне.
Назва сымбалічная — «БУМэранг». Рокеры стварылі Беларускую унію музыкаў і распаўсюдзілі адкрыты ліст, у якім выказалі абурэньне з нагоды забаронаў: «Мы адчуваем сябе так, нібыта нам зьвязалі рукі, паставілі «на пальчыкі» і накінулі на шыю пятлю. Нібыта і не павесілі, але і жыцьцём гэта не назавеш», — заявілі Алег Хаменка, Філ Чмыр, Лявон Вольскі, Аляксандар Кулінковіч.
Першы наклад у 2000 асобнікаў прывёз з Масквы журналіст Павал Шарамет. Грошы на выданьне сабралі хутка — за два тыдні дыск ужо быў выдадзены на сродкі маскоўскіх беларусаў.
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
Сяргей Будкін
