Цэнтральны савет Беларускай партыі «Зялёныя» ўскладае адказнасць за інцыдэнты падчас Сацыяльнага маршу на незарэгістраваную арганізацыю «Белая воля»
Паводле яго слоў, партыя прыняла наконт інцыдэнта спецыяльную заяву. У ёй зазначаецца, што арганізатары маршу былі загадзя папярэджаныя аб наяўнасці ў шэрагах дэманстрантаў групы неанацыстаў колькасцю каля шасцідзесяці чалавек і магчымасці правакацыі з іх боку.
«Калі неанацысты напалі на ўдзельнікаў акцыі, лібертарныя актывісты былі вымушаныя аказаць супраціўленне, што ў выніку вылілася ў так званую «бойку на праезнай частцы», аб якой паведамляюць СМІ. Важна адзначыць, што дзякуючы адпору з боку антыфашыстаў, удалося пазбегнуць больш цяжкіх наступстваў і дыскрэдытацыі маршу ў вачах дэмакратычнай грамадскасці», — лічыць партыя «Зялёныя».
«Беларуская партыя «Зялёныя» выказвае поўную салідарнасць з дзеяннямі антыфашыстаў. Усю адказнасць за інцыдэнт нясе так званая «Белая воля» і сілы, што стаяць за яе спіной, якія зацікаўленыя ў арганізацыі правакацый», — сказаў Ю.Глушакоў.
«Невыпадкова, што менавіта пратэстныя акцыі сацыяльнага характару сталі аб’ектам такіх дасканалых і добра падрыхтаваных правакацый. У сувязі з гэтым усім дэмакратычным сілам неабходна праяўляць пільнасць і салідарнасць з антыфашыстамі, каб надалей не дапускаць да ўдзелу ў акцыях арганізацыі, падобныя да «Белай волі», — працытаваў Ю.Глушакоў заяву партыі.
Нагадаем, 4 лістапада, калі дэманстранты знаходзіліся на перакрыжаванні вуліц Якуба Коласа і Сурганава, група маладых людзей, апранутых у чорнае (каля двух‑трох дзесяткаў), аддзялілася ад агульнай калоны ўдзельнікаў акцыі і ўчыніла бойку на праезнай частцы. Некаторыя з іх выкрыквалі фашысцкія лозунгі. Пасля з’яўлення супрацоўнікаў праваахоўных органаў яны разбегліся.
-
Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук
-
Пазняк: Выпускаюць толькі прарасійскіх людзей, а не беларускіх патрыётаў
-
Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Каментары