 |
Ад раніцы ўскладнены доступ беларускім чытачам да папулярных мэдыйных сайтаў «Хартыя-97», «Радыё Свабода» і «Белорусский партизан». Канал доступу да гэтых рэсурсаў моцна завужаны, таму, хоць выглядае, што сайт даступны й загружаецца, аднак загрузка або спыняецца, або ідзе надзвычай доўга, што робіць атрыманьне інфармацыі цяжкім або немагчымым заняткам.
Атрымаць доступ да закрытых доступаў можна праз ананімайзэры, або з дапамогай праграм, якія зьмяняюць IP-адрас (падрабязьней пра гэта — у артыкуле Як захаваць ананімнасьць у Сеціве). Пры гэтым, аднак, трэба мець на ўвазе, што падобныя дзеяньні забароненыя некаторымі беларускімі правайдэрамі.
У такім выпадку можна скарыстацца «кітайскім» досьведам — чытаць стужкі навінаў з дапамогай онлайнавых зьбіральнікаў стужак, як, напрыклад, Google Reader. Застаецца спадзявацца, што на час блякады рэдакцыі «заглушаных» сайтаў будуць трансьляваць поўныя вэрсіі навін.
Стужка Радыё Свабода: http://rss.svaboda.org/
Стужка Хартыі-97: http://www.charter97.org/rss.php
Стужка Белпартызана: http://www.belaruspartisan.org/bp-forte/?page=1040
Наша стужка: http://nn.by/rss.php
Дарэчы, спадзевы спадзевамі, а НН нават "на час блякады" поўныя вэрсіі трансьляваць ня стала.
У звычайным рэжыме трансьляцыя мае стандартную службовую функцыю: паведамляць падпісчыкам пра абнаўленьні (назва, анатацыя, час, аўтар). Ці чытаць поўны тэкст, ці выдаткоўваць на яго свой час і трафік — права выбару мусіць заставацца за падпісчыкам.
І яшчэ назіраньне - калі сайт "НН" не заблякаваны, значыць, улады ня лічаць маю любімую газэту за крыніцу інфармацыі для прадпрымальнікаў і тых, хто ім спачувае? :-)
паўтараю: зрабіце дзьве вэрсіі рсс-стужкі - поўную і кароткую, і хай права выбару застанецца за падпісчыкам.!