У панядзелак 12 траўня кіраўнік Беларусі Аляксандар Лукашэнка знаходзіўся з рабочай паездкай у Нясьвіжы. Сярод іншага, Лукашэнка азнаёміўся з рэстаўрацыйнымі працамі, што праходзяць у мясцовым замку.
Кіраўнік краіны выказаў незадаволенасьць тым, што аб’ект усё яшчэ закрыты для наведвальнікаў. Лукашэнка ацаніў працу рэстаўратараў на два балы. Ён даў загад скончыць працы да 2010 году. «Наймайце каго хочаце, хоць прыватнікаў. Калі падыйдзіце да гэтага па‑гаспадарску і зэканоміце сродкі, то тым, што застанецца можаце распараджацца ў сваім раёне самі», — сказаў Лукашэнка.
Калі няма чаго рэстаўраваць, то і ня трэба. Давайце агародзім разваліны і будзем іх у такім выглядзе паказваць турыстам», — гаварыў у Нясьвіжы кіраўнік дзяржавы.
Рэстаўрацыйныя працы ў Нясьвіскім замку выклікалі неадназначную рэакцыю ў незалежным грамадзтве. Прынамсі, ва ўнутраным двары палацу Радзівілаў быў разбураны пераход‑галерэя — адна з найважнейшых канструкцыйных частак архітэктурнага помніку. Няма у замку больш і сьцяны, якая налічвае трыста гадоў. Сьцяну проста разабралі праз тое, што тэхнічны стан быў кепскі.
Намесьнік старшыні Менскай гарадзкой арганізацыі аховы помнікаў Уладзімер Дзянісаў перасьцерагае, што такое разуменьне рэстаўрацыі можа прывесьці да таго, што помнік будзе выключаны са сьпісаў ЮНЭСКА.
пра «Нашу Ніву»|about Nasha Niva|сувязь|PDA
Мітынг у Кіеве 
7 каментароў
падпісацца на каментары
чытаць каментары праз RSS
Кастусь напiсаў(ла)
Травень 12, 2008 у 16:48
У чыс зь ім згодны, дык гэта з ацэнкай.
- Якасьць і мэтады рэстаўрацыі - 2
- Хуткасьць - 2
Колькі разоў там быў, адзін раз увогуле нікога з будаўнікоў не было, а іншыя разы - 3-4 чалавекі нешта там рабілі.
З другога боку, калі будуць спрабаваць зрабіць да 2010 г., дык ад таго замку нічога не затанецца. Зробяць навабуд, так хутчэй за ўсё і будзе. Чакайма чарговых паведамленьняў аб разбурэньні іншых карпусоў.
настасься напiсаў(ла)
Травень 12, 2008 у 19:16
мой лёс вырашаўся на самым высокім узроўню - у нядзелю зь вечара было прапанована два варыянты: альбо я зараз жа звальваю ў Менск, альбо выходжу на вуліцу й мяне зачыняюць. калі я не пагадзілася ні з адным з варыянтаў, выканкам выдраў мяне з выходнага дню й я ўвесь панядзелак прасядзела на працы пад афігедным кантролем...
klv напiсаў(ла)
Травень 13, 2008 у 10:05
Трэба было агаражываць свой дом, каб паказываць турыстам тую \"святыню\".
pan Brudas напiсаў(ла)
Травень 13, 2008 у 10:53
Трэба бурыць і пліткай, пліткай усё закладваць - такога тыя турысты дакладна нідзе не бачылі - будуць валам валіць - плітка ж высокамастацкі і высокааплатны прадукт!
Uladzimir напiсаў(ла)
Травень 13, 2008 у 11:07
атрымоўваецца, Рыгорыч даў санкцыю на далейшае разбурэнье, пазначыўшы тэрмін сканчэньня "прац", што недапушчальна для рэстаўрацыі. У прынцыпе, ад савецкага чалавека, як ён, іншага наурад ці прыходхзілася б чакаць.
Харэўскі напiсаў(ла)
Травень 13, 2008 у 16:09
Ну дык гэтага ж і варта было чакаць. І той жа ўзровень інтэлекту й культуры ў ягоных чыноўнічкаў, адказных за ахову спадчыны. Працуюць жа, ня скардзяцца... А нішчыцца ўсё вакол незварота. Ну што тут скажаш? Хіба "устрымаюся", як раіць старэйшы таварыш...
Люстэрка напiсаў(ла)
Травень 13, 2008 у 17:46
Яшчэ "галоўны фраер", які, здаецца, кіруе ў Нясвіжы рэстаўрацыяй, казаў, што ў замку (!) будзе рэстарацыя і кафэ! Гэта блюзнерства!
падпісацца на каментары
чытаць каментары праз RSS