Як паведамляе гарадзенскі блог s13, цягам бліжэйшых двух гадоў на Гарадзеншчыне на загад Аляксандра Лукашэнкі збудуюць 6 лядовых палацаў.
Адзін зь іх мяркуецца збудаваць у Наваградку ў мікрараёне «Паўднёвы Захад», пацьвердзіў інфармацыю намесьнік старшыні Наваградзкага райвыканкаму Юры Калановіч. Паводле плянаў ён будзе зьмяшчаць 800 глядацкіх месцаў, падрадчыкам выступіць Упраўленьне капітальнага будаўніцтва Гарадзенскага аблвыканкаму.
Наступны год адзначыцца для былой сталіцы ВКЛ яшчэ адной падзеяй — Наваградак адсьвяткуе сваё 965‑ці годзьдзе. Дзеля гэтага ўлады гораду вырашылі перанесьці на год традыцыйны фэстываль сярэднявечнай культуры «Наваградзкі замак». Нагадаем, што ад 2000‑га году фэст ладзіцца раз на два гады.
0
0
0
0
0
0
