Яны ляцелі на запрашэньне «Свабоднага тэатра», 5 кастрычніка былі затрыманыя ў аэрапорце «Менск‑2».
Амерыканская акторка і спявачка Стэфані Пан і аўстралійская акторка Эстэр Мугамбі, якія прыляцелі ў Беларусь на запрашэнне беларускага «Свабоднага тэатра», 5 кастрычніка былі затрыманыя ў аэрапорце «Менск‑2». Беларускія памежнікі паведамілі акторкам, што яны знаходзяцца ў спісах неўяздных у краіну.
Цікава, што акторкі, якія прыляцелі ў Менск з Амстэрдама (праз Прагу), раней ні разу не наведвалі Беларусь. Супрацоўнікі менскага аэрапорта не паведамляюць акторкам прычыну забароны на ўезд у краіну, спасылаючыся на тое, што гэта «канфідэнцыйная інфармацыя Міністэрства замежных справаў РБ».
Стэфані Пан і Эстэр Мугамбі павінны былі на працягу тыдня рэпетаваць спектаклі беларускага «Свабоднага тэатра» у межах праекту Eurepica. З Менску акторкі збіраліся выляцець толькі праз тыдзень, 12 кастрычніка.
Памежнікі паведамілі Стэфані Пан і Эстэр Мугамбі, што ім прыйдзецца правесці ў менскім аэрапорце два дні. Назад яны могуць адляцець толькі за свой кошт, а квіткі ў дзяўчатаў ёсць толькі на рэйс Менск‑Прага‑Амстэрдам, які ў наступны раз будзе праз два дні.
Акторак размесцілі ў аэрапорце ў памяшканнях турэмнага тыпу, так званых пакоях для затрыманых перамешчаных асобаў. Іх свабода абмежаваная, яны замкнутыя.
Цяпер чытаюць
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім5
Каментары