... за тэндэнцыйныя артыкулы і негатыў адносна кіраўніка краіны.
Міністэрства замежных справаў пазбавіла акрэдытацыі журналіста «Gazeta Wyborcza» Андрэя Пачобута.
«3 сакавіка я патэлефанаваў у МЗС, каб высветліць, што з маёй заявай на акрэдытацыю. Папярэдняя акрэдытацыя скончылася яшчэ 24 лютага.
Супрацоўнік прэс-службы зачытаў, што ў сувязі з тэндэнцыйнасцю артыкулаў, а таксама негатывам у дачыненні кіраўніка дзяржавы мая акрэдытацыя ануляваная, а новая пакінутая без разгляду», – паведаміў А.Пачобут.
Быў зачытаны нават канкрэтны спіс артыкулаў, якія выклікалі такое рашэнне. Гэта публікацыі: «Лукашэнка Еўрасаюзу: Мы хочам дыялогу без пасярэднікаў», «Беларускі МУС хоча адбіткі пальцаў усіх мужчын», «Беларусь: Паляванне на палітычных», «Лукашэнка выкідвае польскіх святароў».
Агулам з акрэдытацыяй Андрэй Пачобут адпрацаваў толькі чатыры месяцы. «Улічваючы сваю асобу, я не чакаў, што мне яе ўвогуле могуць даць. Аднак гэта трапіла ў перыяд адноснай адлігі. Напэўна, цяпер часы змяніліся», – кажа журналіст.
Пакуль Андрэй Пачобут знаходзіцца ў адпачынку. Ён збіраецца працягваць дабівацца акрэдытацыі. Журналісцкай працы таксама кідаць не будзе.
Цяпер чытаюць
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы9
Каментары