Усяго патроху1212

Юры Дземідовіч заспявае «Чароўнага трусіка» па‑беларуску

Інтэрнэт‑партал «Тузін Гітоў» і грамадская кампанія «Будзьма беларусамі» прадстаўляюць апошняга, 12‑га ўдзельніка праекту «Тузін. Перазагрузка».

Інтэрнэт‑партал «Тузін Гітоў» і грамадзкая кампанія «Будзьма беларусамі» прадстаўляюць апошняга, 12‑га ўдзельніка праекту «Тузін. Перазагрузка».

Адзін з галоўных прэтэндэнтаў на ўдзел ад Беларусі ў «Дзіцячай Эўравізіі» Юры Дземідовіч перасьпявае сваю песьню «Волшебный кролик» па‑беларуску. Маладому сьпеваку вельмі спадабалася ідэя зрабіць беларускамоўны варыянт свайго твору, які ўсяго за некалькі дзён стаў сапраўдным інтэрнэт‑гітом.

Юра Дземідовіч засьпяваў ужо ў тры гады. Ён добра памятае сваю першую песьню, якую выканаў на публіцы — гэта быў раманс «Белеет парус одинокий».

У дзевяць год ён трапіў у «Капэлу хлопчыкаў» — хор пры Рэспубліканскім музычным каледжы. Капэла мае ўжо 50‑гадовую гісторыю. Адсюль выйшлі салісты беларускай Опэры, камэрнага аркестру, харавой капэлі, хору «Унія» ды групы «Камэрата». Кіраўнік хору Ўладзімер Глушакоў лічыць, што і ў Юры Дземідовіча — вялікая будучыня.

Хлопец цяперака — вядучы саліст хору. Некалі ён нават сьпяваў на сьвяточным канцэрце з нагоды візыту маскоўскага патрыярха Алексія ІІ.
Самыя ўдалыя яго нумары — «Санта Лучыя», «O sole mio», а зь беларускіх — «Радзіма, мая дарагая». Юра называе сярод сваіх улюбёных выканаўцаў Павароці, Каруза ды Ларэці.

Песьня «Волшебный кролик» зусім нетыповая, як для рэпэртуару Капэлі, дзе сьпявае Дземідовіч. Словы і музыку выканаўца напісаў да яе сам пад уплывам твору «Аліса ў краіне цудаў». Адразу пасьля выкананьня твору на поўфінале адбору на «Дзіцячую Эўравізію» 1 чэрвеня, ён займеў ашаламляльны посьпех. Цяпер колькасьць праглядаў відэа на гэту песьню на youtube.com набліжаецца да 290 000.У сацыяльных сетках арганізаваліся фэн‑клюбы Юры, зьявіліся рознастайныя інтэрпрэтацыі сьпеву, прапануюцца майкі з выявамі «трусіка» і шырыцца дыскусія наконт патаемных сэнсаў гэтай песьні. Сам Юра з сваім кіраўніком Уладзімерам Глушаковым ставяцца да гэтага спакойна: «Галоўнае, што ў нашай песьні шмат слухачоў!», — заяўляюць яны.

Юра з задавальненьнем пагадзіўся зрабіць з «кроліка» — «трусіка» і пахваліўся, што беларускую мову вучыць старанна. Мае па гэтым прадмеце ў школе васьмёрку, а па беларускай літаратуры — дык наогул дзевятку. Хлопчык разам з сваім настаўнікам прынялі прапанову «Тузіна Гітоў» узяць пераклад літаратара Сяргея Балахонава.

Праца над «Чароўным трусікам» пачнецца ўжо на наступным тыдні.

***

У праекце «Тузін. Перазагрузка» інтэрнэт‑парталу «Тузін Гітоў» і грамадзкай кампаніі «Будзьма беларусамі» бяруць удзел 12 самых цікавых айчынных небеларускамоўных выканаўцаў розных стыляў, якіх лучыць арыгінальнасьць матэрыялу, прафэсыйнасьць у музычным падыходзе і жаданьне эксперымэнтаваць. Кожны зь іх перазапіша адзін з сваіх гітоў у беларускамоўным варыянце, выкананым прафэсыйным перакладчыкам. Усе песьні будуць прэзэнтаваныя на старонках Тузін Гітоў і Будзьма

Каментары12

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Юрась Зянковіч расказаў пра сваё вызваленне і шлях у ЗША6

Юрась Зянковіч расказаў пра сваё вызваленне і шлях у ЗША

Усе навіны →
Усе навіны

Мінадукацыі скарэктавала праект пастановы аб рэпетытарах1

У Полацкім раёне міліцыянеры спынялі п'янага трактарыста стрэламі па колах

Зянковіч пра Верамейчыка: Ужывалі фізічны гвалт, каб прымусіць яго сказаць на БТ тое, што хочуць пачуць12

У Мінску гатовыя плаціць 2000 рублёў у месяц за паяданне піцы1

Прэм'ер Канады — Трампу: Канада не прадаецца1

Што вядома пра былога каліноўца Васіля Грачыху, які трапіў у рукі беларускага КДБ?4

Сёння ў Ватыкане пачынаецца канклаў кардыналаў. Будзе абраны новы Папа

Культура «бум-бум» захоплівае Захад. Замест сціпласці — вульгарнасць і паказное багацце6

Індыя нанесла ўдар абмежаванага маштабу па некалькіх цэлях у Пакістане6

больш чытаных навін
больш лайканых навін

Юрась Зянковіч расказаў пра сваё вызваленне і шлях у ЗША6

Юрась Зянковіч расказаў пра сваё вызваленне і шлях у ЗША

Галоўнае
Усе навіны →

Заўвага:

 

 

 

 

Закрыць Паведаміць