IT кампанія з г.Дурбан вырашыла параўнаць хуткасць паштовага голуба з працай лініі ADSL самай вялікай тэлекамунікацыйнай паўднёваафрыканскай кампаніі Telkom.
IT кампанія з г.Дурбан вырашыла параўнаць хуткасць паштовага голуба з працай лініі ADSL самай вялікай тэлекамунікацыйнай паўднёваафрыканскай кампаніі Telkom.
Тэлекамунікацыйныя кампаніі абяцаюць злучыць Свет шырокапалосным Інтэрнэтам для зручнасці карыстальнікаў. Аднак у Паўднёвай Афрыцы паштовы голуб аказаўся нашмат хутчэйшым у пераносцы дадзеных, чым ADSL.
IT кампанія з г.Дурбан вырашыла параўнаць хуткасць 11-ці месячнага паштовага голуба, да якога прымацавалі флэш-картку памяці на 4 Гб, з працай лініі ADSL самай вялікай тэлекамунікацыйнай паўднёваафрыканскай кампаніі Telkom.
За своеасаблівым спаборніцтвам назіралі дзесяткі журналістаў, а он-лайн – яшчэ і сотні карыстальнікаў сацыяльных сетак Facebook і Twitter.
Голуб Уінстан стартаваў з офісу кампаніі Unlimited IT з гораду Хоўік і праз гадзіну і 8 хвілін паспяхова прыляцеў у офіс кампаніі ў Дурбане, пераадолеўшы адлегласць каля 60 міль. Яшчэ гадзіна спатрэбілася супрацоўнікам кампаніі, каб скапіяваць дадзеныя з флэшкі на кампутар.
За гэты ж час праз ADSL лінію прайшло толькі каля 4% тых жа дадзеных.
Ідэя «спаборніцтваў» нарадзілася ў галаве аднаго з супрацоўнікаў Unlimited IT, калі раззлаваны павольнасцю мясцовага Інтэрнэту ён выказаў думку, што «голуб перанёс бы дадзеныя хутчэй».
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары