30 верасня ў судзе Савецкага раёна Гомеля быў абвешчаны прысуд па справе 42-гадовага «гомельскага маньяка». За шэсць згвалтаванняў і спробаў згвалтавання ў 1991—1992 і 2003 г. ён асуджаны на 12,5 гадоў пазбаўлення волі. Судовы працэс праходзіў у закрытым рэжыме.
Абвінавачаны «спецыялізаваўся» на згвалтаваннях у рабочых інтэрнатах Гомеля — ён забягаў у пакоі, інсцэнуючы, што за ім нехта гоніцца і просячы ратунку. Потым, калі бачыў, што яго ахвяра ў пакоі адна, здзяйсняў згвалтаванне. У 2003 г. падманным шляхам ён на досвітку патрапіў у кватэру жыхаркі Гомеля і, пагражаючы фізічнай расправай яе малым дзецям, згвалціў жанчыну.
У 2005 г. злачынцу асудзілі на восем гадоў за здзяйсненне аналагічнага злачынства і на момант затрымання ў 2009 г. ён адбываў тэрмін у калоніі. Выкрыць яго дапамаглі дадзеныя экспертызаў. На судзе ён цалкам адмаўляў сваю віну.
Па сукупнасці злачынстваў яму было прызначана канчатковае пакаранне — 12,5 гадоў зняволення. Але, улічваючы ўжо адседжаны тэрмін, амністыю, разнастайныя прававыя моманты, сядзець у калоніі яму засталося 2,5 гады.
пра «Нашу Ніву»|about Nasha Niva|сувязь|PDA
Мітынг у Кіеве 
4 каментароў
падпісацца на каментары
чытаць каментары праз RSS
Cikauny напiсаў(ла)
Верасень 30, 2009 у 20:42
"маньяк» попаў"
Мяньяк, выбачайце, чаго?
T-34 напiсаў(ла)
Кастрычнiк 1, 2009 у 8:35
Затое эканамічныя злачынцы не падлягаюць амністыі: яшчэ адзін цуд нашай сістэмы
Сьцяпан напiсаў(ла)
Кастрычнiк 1, 2009 у 9:34
T-34,
Менавіта цуд. Забойцы і гвалтаўнікі хай працягваюць сваю справу - да іх цікавасьці ўладам няма, бо грошай зь іх ня выцягнуць, а нармальныя людзі будуць гніць да сканчэньня свайго тэрміну разам з такімі вылюдкамі. Помню як адна тлустая падлюга з УДЗІНа з вытарашчанымі вачыма заявіла па БТ, што "яны ж грошы чамаданамі могуць нясці, нужна штобы ўсе так дзелалі!". Каб яе саму гэткае няшчасьце не абмінула - адчула бы тады як такія парады накшталт "нясіце грошы чамаданамі" забіваюць апошнюю надзею, веру як у самога асуджанага, так і ў яго родных, калі за душою толькі дабітае аўто і аднапакаёвая хрушчоўка на чатыры чалавекі.
morkva28 напiсаў(ла)
Кастрычнiк 1, 2009 у 10:38
Тут яшчэ момант адносін да жанчын. Усе памятаюць, што гендэрная тэматыка ў Беларусі непапулярная? Можна прыгадаць, колькі каментатары на форумах нн кпілі з яе. А вось канкрэтны выпадак -- пакаранне несувымернае з злачынствам, здароўе жанчын-ахвяраў, фізічнае і псіхічнае, нібы зусім дробязь, а самі згвалтаванні -- ну проста хуліганка нейкая. І ў той жа час паказныя прысуды за эканамічныя парушэнні.
падпісацца на каментары
чытаць каментары праз RSS