Пракуратура Столінскага раёна праводзіць праверку.
Пракуратура Столінскага раёна праводзіць праверку па факце гібелі 7 кастрычніка ў вёсцы Асаўцы двухгадовага хлопчыка.
Як паведамілі БелаПАН у пракуратуры, цела дзіцяці каля 13.00 на лесвічнай пляцоўцы паміж першым і другім паверхам у доме па месцы жыхарства знайшоў яго сваяк.
Хлопчык зачапіўся капюшонам курткі за металічны штыр парэнчаў і павіс.
Хутчэй за ўсё, прычынай смерці дзіцяці стала ўдушэнне.
На гэты час вядома, што ён і яго трохгадовая сястра гулялі адны ў двары свайго дома.
Дзіця разам з сям’ёй пражывала ў кватэры на другім паверсе двухпавярховага жылога дома. Паводле адной з версій, хлопчык загінуў, калі падымаўся ўверх па лесвічным маршы.
Канчатковую прычыну смерці ўстановіць судова‑медыцынская экспертыза.
Каментары