Басманны суд Масквы адмовіў у задавальненні пазову ўнука Іосіфа Сталіна Яўгена Джугашвілі да «Новай газеты» аб абароне гонару і годнасці яго дзеда.
73-гадовы Яўген Джугашвілі, сын загінуўшага ў 1943 годзе ў нямецкім палоне Якава Джугашвілі, патрабаваў выплаціць у якасці кампенсацыі 10 млн. расейскіх рублёў за артыкул «Вінаватым прызначаны Берыя» , апублікаваны ў спецвыпуску «Новай газеты» «Праўда ГУЛАГа».
Нашчадку Сталіна не спадабалася сцверджанне, што савецкі дыктатар нясе асабістую адказнасць за расстрэл 22 тысяч палонных палякаў у 1940 годзе, а таксама вызначэнне «крывавы людажэр» і выраз «Сталін і чэкісты павязаныя вялікай крывёю, найцяжэйшымі злачынствамі, найперш супраць уласнага народа».
Каментары