Наша Ніва

Пнеўманія - адна з асноўных прычын смерці па ўсім свеце. У нас у Беларусі гэты дыягназ ну не тое, што пад забаронай...Але непажадана яго ставіць. (напэўна, каб потым па ТБ гучна і прыгожа распавядаць пра нашу медыцыну). Таму гэтае "прызнанне", што людзе памерлі ад пнеўманіі выклікае неадназначные пачуцці. Ну, з аднаго боку, магчыма сказалі праўду. Я маю на ўвазе той варыянт, калі дадзеная пнеўманія была вылікана тыповым узбуджальнікам пнеўманіі. Але ж гэта магла быць і вірусная пнеўманія, як ускладненне грыпа A(H1N1). Таму пад "пнеўманіяй" магчыма і схавалі "свіны грып".
Калі пачытаць у сеціве пра іншыя выпадкі смерці ад "свінога Г", то пнеўманія там фігуруе часта. Альбо яна выстаўлялася як папярэдні дыягназ, альбо яе падазравалі, альбо яе лячылі, альбо яна суправаджала.

Знаёмая доктарка сказала, што ў выпадку высокай тэмпературы і падозрання на свінячы грып адразу трэба пачынаць ужываць антыбіётыкі новай генерацыі і адразу выклікаць доктара. Бо праз пару дзен у хворага можа развіцца гэтая самая вірусовая пнеўманія, якая і скончваеца ацекам лёгкіх. З першага дня трэба ўжываць антыбіётык,а людзі звычайна проста ляжаць у ложку і пьюць вітаміны - гэта нармальна пры звычайным грыпе. А тут ніхто не збіраецца папярэдзіць людзей, што трэба адразу ўжываць антыбіётыкі - лічу, што гэта злачынства, бо звычайна пры грыпе да доктара ідуць не адразу, а некаторые і ўвогуле бяруць адгулы каб само прайшло. Людзей не інфармуюць - гэта такі постсавецкі чарнобыльскі сіндром таталітарнай улады - абы ціха...Халуі сабачыя...

Ня ведаю які доктар можа параіць лекаваць вірус антыбактэрыяльнымі прэпаратамі.

Вось што раіць чэскае МінАховыЗдароўя:

Прыкметы захворваньня падобныя да звычайнага сэзоннага грыпу
Пачатак захворваньня звычайна праяўляецца ў зьяўленьні наступных сымтомаў:
- тэмпэратура 38-40 С
- дрыжыкі
- стома
- моташнасьць
- галаўны боль, боль у вачах, цягліцах і суглобах
- боязь сонца
- закладзены нос, боль у горле, кашаль
- боль у грудзях
- панос, запор і ваніты
Калі ў вас нейкія з гэтых сыптомаў, ЗАСТАВАЙЦЕСЯ ДОМА Ў ІЗАЛЯЦЫІ. Пры няўскладненым цячэньні хваробы лекаваньне такое ж, як і ў сэзоннага грыпу, а менавіта -- адпачынак у ложку, зьбіваньне тэмпэратуры і астатніх сымптомаў захворваньня лекамі, якія знаходзяцца ў вольным продажы, дастатковая колькасьць вадкасьці і вітамінаў у ежы, можна прымаць вітамінавыя дадаткі.

Калі вы хворыя на грып і лекар рэкамэндаваў застацца дома
- пазьбягайце кантакту з астатнімі людзьмі, застаньцеся дома на ўвесь час інфэкцыі (7 дзён ад зьяўленьня сымптомаў). Не хадзіце ані на працу, ані на вучобу!
- сьпіце (калі магчыма) у асобным пакоі, які пэрыядычна праветрываецца, адпачывайце і дбайце пра дастатковую прыём вадкасьці
- пры кашлі, чмыханьні і смарканьні закрыйце нос і вусны папяровай насоўкай, выкіньце яе адразу ў зачыненую сьметніцу і пасьля памыйце рукі мінімальна 20 сэк. у цёплай вадзе з мылам

У выпадку, калі праз 3 дні ад пачатку захворваньня зноў падымецца тэмпэратура, будзе моцна балець галава, будзе цяжка дыхаць і вы будзеце адчуваць неўласьцівую падвышаную стому – кантактуйце доктара!

Як зьнізіць верагоднасьць захварэць на грып?
- пазьбягайце кантакту з хворымі і месцаў зь вялікай канцэнтрацыяй людзей (напр. кіно, тэатры, супэрмаркеты, выставы, грамадзкі транспарт і г.д.)
- не пазычайце мабільныя тэлефоны, кубкі і сталовыя прыборы
- не вітайцеся за руку альбо пацалункам
- не датыкайцеся рукамі да твару і вачэй – зьнізіце гэтым рызыку перанясеньня вірусу праз рукі з забруджаных прадметаў (вірус на паверхнях жыве да дзьвюх гадзінаў)
- мыйце рукі пастаянна і часта мылам пад праточнай цёплай вадой
- калі няма вады і мыла, карыстайцеся гелямі для дэзынфэкцыі на алькагольнай аснове альбо вільготнымі сурвэткамі з дадаткам алькаголю. Рабіце гэтак перад ежай, перад кармленьнем дзіцяці, у тым ліку ГВ, пасьля таго, як згатавалі ежу, пасьля карыстаньня прыбіральняй, пасьля зьмены пампэрсу альбо дапамогі дзіцяці схадзіць у прыбіральню, пасьля гульні агульнымі цацкамі, перад наведваньнем і пасьля наведваньня хворых людзей
- забясьпечце падвышанае ўжываньне прыродных вітамінаў – перадусім з фруктаў і гародніны

Рызыкавыя групы асобаў, у якіх падвышаецца верагоднасьць ускладненьняў
- цяжарныя жанчыны на вялікіх тэрмінах
- дзеці да 24 месяцаў
- дарослыя ад 65 год і старэйшыя
- людзі з хранічным захворваньнем (напр. лёгкіх, сэрца, нырак, з цукроўкай, з пухлінамі)
- людзі з выражанай надвагай

Калі вы ўваходзіце ў вышэй пазначаныя рызыкавыя групы асобаў і маеце падозраньні на грып, без адкладаньня кантактуйце свайго доктара. У вашым выпадку адкладаньне лекаваньня можа мець цяжкія наступствы.

Хатняе лекаваньне:
Грып гэта віруснае захворваньне, а таму ў выпадку хваробы без ускладненьняў ад лекара не чакайце антыбіётыкаў. Яны ўчынныя выключна супраць бактэрыяў і нямаюць уплыву на вірус грыпу. У антыбіётыках ёсьць сэнс толькі калі яны скіраваныя на выкліканыя грыпам бактэрыяльныя інфэкцыі.

Далей ідзе апісаньне звычайных прэпаратаў ад тэмпэратуры, галаўнога болю, кашлю і насмарку.