Прыпынены прызыў у войска. Адмяняюцца спартовыя спаборніцтвы.
Ва Украіне па стане на 1 лістапада на грып і ВРВІ ужо захварэлі 185 тыс. чалавек, памерлі 53 асобы.
Пра гэта паведамляюць украінскія СМІ.
Найбольш агмень эпідэміі - на захадзе краіны.
Прэзідэнт Юшчанка заклікаў людзей як найчасцей заставацца дома, не выходзіць без патрэбы на вуліцы і карыстацца сродкамі лекавання ды звяртацца пры першай неабходнасці да медыкаў, паведамляе інфармагенцтва УНІАН.
Учора ва Украіне было прынята рашэнне пра каранцін ва ўсіх навучальных установах – школах, тэхнікумах, ВНУ – на тры тыдні, адмяняюцца канцэрты, розныя сходы.
Спынены прызыў у войска.
Таксама прыпынены чэмпіянат Украіны па баскетболе, не выключаецца, што нават матч футбольнай Лігі чэмпіёнаў паміж кіеўскім «Дынама» і міланскім «Інтэрам» 4 лістапада пройдзе пры пустых трыбунах.
Украіна звярнулася па дапамогу да Польшчы, на мяжы з Беларусі з нашага боку ўведзены санітарны кантроль.
У Мінску з 20 кастрычніка, паводле Мінскай гарадской санітарна-эпідэмічнай службы, павялічылася інтэнсіўнасць сезоннага ўздыму хварэння на вострыя рэспіраторныя інфекцыі. Сумарны паказчык вырас на 40%, а штодзённа па дапамогу звяртаецца 5-6 тыс. і болей мінчан.
Вакацыі ў мінскіх школах падоўжаны на тыдзень, да 6 лістапада.
З мэтай засцярогі і прадухілення ўзнікнення вострага рэспіраторнага захворвання, у тым ліку грыпу, нагадваюць пра неабходнасць прафілактычных лекавых сродкаў, перадусім Арпетола ды інш.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары