У форуме грамадзянскай супольнасці, што прайшоў у Брусэлі (Бельгія) 16—17 лістапада, удзельнічалі 25 дэлегатаў з Беларусі. Найбольшым дасягненнем беларускія удзельнікі лічаць фармаванне пастаянных органаў кіравання і структураў форуму.
«Беларуская дэлегацыя прапанавала калегам з іншых краінаў заснаваць Форум грамадзянскай супольнасці не як аднаразовае мерапрыемства, а як пастаянны механізм уплыву на Усходняе партнёрства. І нашу пазіцыю падтрымалі», ‑‑ паведаміў прадстаўнік Асамблеі НДА Сяргей Мацкевіч.
Сяргей Мацкевіч быў абраны ў кіраўнічую раду Форума дэлегатамі грамадзянскай супольнасці краінаў «Усходняга партнёрства». Другі беларускі ўдзельнік, сябра грамадзкага аб’яднання Цэнтр «Пост» Улад Вялічка, увайшоў у кіраўнічую раду Форума як прадстаўнік нацыянальнай дэлегацыі.
Вынікі форуму грамадзянскай супольнасці будуць прадстаўлена на снежаньскім паседжанні Рады Міністраў ЕЗ у Стакгольме. Менавіта там будуць абмеркаваны рэкамендацыі і дакументы, прынятыя 16—17 лістапада. Сярод іх будуць і балючыя для Беларусі пытанні вызвалення палітвязняў, адмена візавага рэжыму і увядзенне бясплатных візаў шматразовага карыстання для краінаў Усходняга партнёрства, патрабаванне развіцця самакіравання, праблемы з правамі чалавека, і многія іншыя.
Аднак не трэба чакаць, што вось адразу і вырашацца ўсе праблемы беларускага грамадства. Проста адбыўся яшчэ адзін крок да дыялогу з Еўропай, часам бюракратычнага і фармальнага. І ў гэтым дыялогу будзе гучаць таксама і голас прадстаўнікоў з беларускай грамадзянскай супольнасці
-
Польскія памежнікі абверглі інфармацыю пра тое, што на КПП «Тарэспаль» не прымаюць аўтобусы з Беларусі
-
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў
-
Вільня: Беларускія памежнікі маглі парушыць мяжу, зайшоўшы на тэрыторыю Літвы
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў1
Каментары