У аўторак адбылося пасяджэнне акцыянераў ЗАТ «Шахцёр» (Салігорск). На ім была разгледжана просьба аб адстаўцы галоўнага трэнера Аляксея Вергяенкі.
У якасці галоўнага трэнера футбольнага клуба зацверджаны вядомы беларускі спецыяліст, заслужаны трэнер СССР Эдуард Васільевіч Малафееў,
паведамляе афіцыйны сайт клуба.
Эдуард Васільевіч Малафееў прывёў мінскае «Дынама» да залатых медалёў у савецкім футбольным чэмпіянаце (1982 г.). З верасня 2008 г. ён трэніраваў санкт-пецярбургскае «Дынама», якое сёлета вывеў з другой у першую лігу расійскага футбольнага чэмпіянату.
Сёлета «Шахцёр» фінішаваў на шостым месцы ў беларускім чэмпіянаце. Залатыя медалі нацыянальнага першынства клуб заваёўваў у 2005 г., чатыры разы быў бронзавым прызёрам (2002, 2004, 2006, 2007), уладальнік Кубка Беларусі 2004 г.
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары