26 лістапада Уладзімір Асіпенка падпісаў адпаведны пратакол і пачаў знаёміцца з матэрыяламі справы.
Следства па справе ваўкавыскіх прадпрымальнікаў Мікалая Аўтуховіча і Уладзіміра Асіпенкі завершана.
Пра гэта паведаміла Тамара Сідарэнка, адвакат Уладзіміра Асіпенкі. Як зазначыла адвакат, 26 лістапада яе падабаронны падпісаў пратакол аб заканчэнні следства. «Мы з ім пачалі знаёміцца з матэрыяламі справы», — сказала Сідарэнка.
Як зазначыў праваабаронца Алег Волчак, завяршэнне следства ў дачыненні да Асіпенкі азначае, што яно завершана і ў дачыненні да Аўтуховіча.
***
Ваўкавыскія прадпрымальнікі Мікалай Аўтуховіч, Юрый Лявонаў і Уладзімір Асіпенка былі затрыманы 8 лютага 2009 года. 18 лютага ім было прад’яўлена абвінавачанне па арт. 218 Крымінальнага кодэкса. 23 чэрвеня ў дачыненні да Аўтуховіча і, як паведаміла МУС, «іншых асоб» была распачата справа па арт. 359 КК (тэрарыстычны акт) у выглядзе падрыхтоўкі (арт. 13). Абвінавачанне ў падрыхтоўцы тэрарыстычнага акта Асіпенку і Аўтуховічу было прад’яўлена 20 лістапада.
8 жніўня Лявонава вызвалілі з мінскага следчага ізалятара, а 24 верасня з яго былі зняты ўсе абвінавачанні.
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10
Каментары