Яго асудзілі не за махінацыі ў бізнесе, а за махлярства з страхоўкай асабістага аўто.
Яго асудзілі не за махінацыі ў бізнесе, а за махлярства з страхоўкай асабістага аўто. Арыштавалі яго ў снежні 2008-га пасля таго, як ён закрыў уласныя крамы, пратэстуючы супраць праверак.
Уладзімір Захараў, буйны бізнэсовец, які валодаў ў Полацку сеткай харчовых крамаў і гандлёвымі цэнтрамі «Стралецкі рынак», «Капітал» і «Эўралюкс», асуджаны на два з паловай гады пазбаўлення волі з канфіскацыяй маёмасці і адбываннем пакарання ў выпраўленчай калоніі ўзмоцненага рэжыму.
Полацкі алігарх быў арыштаваны 28 снежня 2008 года пасля скандалу з закрыццём уласных крамаў. Тады без працы засталася каля дзвюх тысяч чалавек, у выніку чаго ў горадзе нават успыхнулі стыхійныя мітынгі. Індывідуальныя прадпрымальнікі, якія арандавалі ў Захарава плошчы, напісалі калектыўны ліст уладам, з патрабаваннем навесці парадак. Тыднем пазней «віноўнік беспарадкаў» быў арыштаваны.
Як ні дзіўна, Уладзімір Захараў асуджаны не за махінацыі ў сферы бізнесу, а за махлярства з страхоўкай асабістага аўтамабіля BMW X5 па справе 2001 г. Суд прызнаў багацейшага чалавека Полацка вінаватым у інсцэніроўцы аўтааварыі з мэтай атрымання страхоўкі для рамонту джыпа, які раней атрымаў сур'ёзныя пашкоджанні ў рэальным ДТЗ, прычынай якога стала перавышэнне хуткасці спадаром Захаравым. Справа была ўраспачатая ў 2002 годзе, калі страхавая сума ўжо была выплачана цалкам, а затым два разы прыпынялася і аднаўлялася.
Доказ віны полацкага бізнэсоўца быў пабудаваны на сведчаннях адной жанчыны, якая паказала, што сапраўдная аварыя адбылася ў іншы час і ў іншым месцы. Следчым органам удалося «даціснуць» полацкага алігарха, і ён падпісаў чыстасардэчнае прызнанне і кампенсаваў шкоду страхавой кампаніі ў трохразовым памеры. Акрамя У. Захарава два з паловай гады атрымаў і адзін з яго суудзельнікаў, іншы ўдзельнік інсцэніроўкі – супрацоўнік пракуратуры – абвешчаны ў вышук.
Цяпер чытаюць
Арыштаваны начальнік камітэта аховы здароўя Мінска Ігар Юркевіч6
Каментары