Аўтадылеры збянтэжаны інфармацыяй аб павышэнні ставак мытных пошлін на легкавыя аўтамабілі, што ўвозяцца юрыдычнымі асобамі.
Пра гэта паведаміў кіраўнік Беларускай аўтамабільнай асацыяцыі Сяргей Міхневіч.
Інфармацыю пра новыя стаўкі мытных пошлін на легкавыя аўтамабілі, што ўвозяцца юрыдычнымі асобамі, распаўсюдзіў афіцыйны сайт Камісіі Мытнага саюза. Стаўкі пошлін на ўвоз легкавых аўтамабіляў, якія змяшчаюцца ў адпаведным раздзеле Адзінага мытнага тарыфу, практычна поўнасцю супадаюць з дзейнымі цяпер у Расійскай Федэрацыі. Як паведамлялася раней,
расійскія стаўкі мытнай пошліны на легкавыя аўтамабілі прыкладна на 25 працэнтных пунктаў вышэйшыя за беларускія.
Для фізічных асоб у рамках Мытнага саюза новыя правілы ўвозу аўтамабіляў пакуль не вызначаны. Як меркавалася раней, яны будуць выпрацоўвацца да 1 ліпеня 2010 года. Гэта азначае, што фізічныя асобы змогуць увозіць на мытную тэрыторыю Беларусі аўтамабілі па старых стаўках да 1 ліпеня 2010 года.
Паводле слоў Міхневіча, калі да ліпеня ўсё ж зробяць аднолькавымі мытныя пошліны на ўвоз аўтамабіляў для юрыдычных і фізічных асобаў , то з’явіцца нейкая надзея на бізнес. «Найбліжэйшыя паўгода аўтамабільнаму бізнесу рабіць няма чаго», — лічыць ён.
Эксперт выказаў меркаванне, што дылеры прымуць рашэнне аб прыпыненні ўсіх акцый і распродажаў.
«Распродажы цяпер недарэчы. Усе машыны, якія ёсць зараз на складзе, лепш прадаваць у 2010 годзе па цэнах крыху вышэйшых за цяперашнія.
Такім чынам у дылераў з’явіцца магчымасць працягнуць на сваіх запасах да 1 ліпеня», — сказаў кіраўнік БАА.
Як раней адзначалі эксперты, павышэнне мытных пошлін да ўзроўню расійскіх прывядзе да павелічэння кошту аўтамабіляў
мінімум на 40%.
Ніколі!
Сучасныя тэхналогіі і Расея-матухна - праехалі.
Тут трэба на Захад па-ангельскі, без развітаньняў, з хаўруса недарэчных дзяржаў ногі рабіць, а то, як казаў Рыгоравіч, ласты склеім.
Летась было прададзена 25296 новых машынаў. http://www.ma.by/?q=rynok-novykh-importnykh-avtomobilei-v-belarusi-itogi-2008-goda
У гэтым годзе паведамляецца толькі, што прадажы зьнізіліся.
Атрымліваецца, што ў артыкуле вядзецца прыкладна пра 20 тысячаў машынаў за год, мытнай пошліны на якія павінны падняцца прыкладна на 25 працэнтных пункта. Калі ўлічыць, што частку машынаў набываюць розныя ўстановы і фірмы, дык колькасьць тых людзей, якія набываюць новыя аўто зусім таіць. Прычым пэўна ня самых бедных людзей у краіне. Па мне, дык калі чалавек мог набыць сабе аўто за 20к даляраў, дык зможа і за 22-25к. Расьце ж мыта на 25%, а яно не ад кошту аўто залежыць.
Не разумею скуголеньня па гэтым пытаньні. Гэта амаль не паўплывае на беларусаў, бо новыя аўто ня так шмат хто і набываў.
Зусім іньшая справа - патрыманыя аўто. Вось гэтае пытаньне закранае амаль усё насельніцтва Беларусі. Вось на гэтым пытаньні трэба засяродзіцца і народ падтрымае, бо гэта адчувальна для ўсіх будзе.
Асабліва мне спадабалася вось гэта:
"Як раней адзначалі эксперты, павышэнне мытных пошлін да ўзроўню расійскіх прывядзе да павелічэння кошту аўтамабіляў
мінімум на 40%."
Расьце мыта на 25%, а кошты на аўто (мыта ў кошце занімае толькі частку) павінна вырасьці на 40%. Ну, а як інакш, прадаеш меньш, таму каб атрымаць тыя ж грошы, як і раней трэба значна! павышаць кошты для тых хто застаўся. Не скарачаць выдаткі, а тупа падымаць кошты. :)
Далёка не факт. І яшчэ вы зразумейце, гэта не дзіцячы садок, тут рашэнні на ўзроўні "нас даже не заметят!" не прымаюцца. Не атрымаецца і рыбку з'есці і яшчэ кудысці там сесці. Пытанне павінна стаяць аб выхадзе з любых саюзаў, ксараў і інш. Але гэта не пры гэтым рэжыме (сама па сабе асоба прэзідэнта тут не асабліва ўжо адыгрывае ролю, думаю, вы разумееце, што краінай кіруе не толькі Лукашэнка).
Лепшыя лекі ад перхаці - гільятына!
Я вось таксама не зразумеў панікі гэтага артыкула.
Думаю, трэба для тых, хто слухае розных экспэртаў, а не думае галавой даць невялікі прыклад: матэматычную задачку.
Хай новая машына каштуе ў дылера 20 тысячаў эўра. (Возьмем эўра, таму што мыта разьлічваецца ў эўрах, каб памылак не было). Мыта ў ей сеньня хай 4 тысячы эўра. Калі мыта даражэе на 25%, дык будзе 4 000 + 25% = 5 000 эўра. Атрымліваецца, што машына даражэе на 1000 эўра, ці на 1000/20000 * 100% =5%
Хай цяпер экспэрты растлумачаць, чаму яны лічаць, што машыны павінны падаражэць мінімум на 40%. Ці з 20 тысячаў да 28 тысячаў?
Хлопцы-аўтадылеры ня кісла зарабіць хочуць на гэтай тэме. :) А неабыякавыя будуць на іньшых наракаць. :)
Даўно так не рагатаў! Самы просты спосаб разбагацець, кажаце? Дык давайце падымем НА ЎСЁ мыты разоў у сто, ды што там мелачыцца! - ў тысячу! Адразу разбагацеем у тысячу разоў. А калі яшчэ прыкупіць чаго пра запас, да падвышэньня...:)
Чаму прывёў прапановы... мне спадабала іншае, калі народу нешта не падабаецца - зьбіраем подпісы супраць нейкага пытання(падвышэнне мытных пошлін на аўтамабілі), па закону павінны правесьці рэферэндум па гэтаму пытанню. Калі (гэта канешне мала падобна на праўду) на рэферэндуму народ выскажыцца супраць падвышэння пошлін, тут ужо вылезе пытанне невыканання умоў на подлучэнне да мытнага саюзу. Тут ужо 3 выхады - ці выходзіць з яго, ці мяняць пошліны і астатнім удзельнікам саюзу прыдзецца з гэтым неяк згаджацца, ці шукаць кампрамісны варыянт для свайго насельніцта(ён прыведзены у маім паведамленні).
Трэба ініцыятыўная група, а дзе яе шукаць як ні ў палітычных партыях, прадстаўнікі якіх ёсьць ва ўсіх рэгіёнах краіны і якія змогуць арганізаваць збор подпісаў.
Ну не будзе ў нас у краіне новы аўтамабіль каштаваць 30 000$, а праз 3 гады 3 000$.
Падымецца кошт новых, адразу падцягнуцца і б/в.
Вось глядзіце, напрыклад, мая машына каштуе зараз 8000 тысячаў, машына, якую я хачу, каштуе 12 тысячаў. Розніца складае 4 тысячы, якія мне неабхадна дадаць. Пасля 1 ліпеня, у выпадку пад'ёма мытных тарыфаў, мая машына будзе каштаваць не 8 тысячаў, а 12, а тая машына, якую я хачу, не 12, а 16. Але розніцу, якую мне трэба дадаць, як была 4 тысячы, так і засталася. Атрымліваецца, што з новым парадкам я нічога не губляю, ці губляю зусім не катастрафічную суму.
Кейстут, ну быў у мяне жыгуль, хацеў я купiць хаця б якi VW. А мне цяпер гэтыя разумнiчкi расказваюць што я нiчога не прайграў..