А усяго па медыцынскую дапамогу звярнуліся 191.659 чалавек, што ў 4,8 разу больш, чым за аналагічны леташні перыяд.
З канца кастрычніка па пачатак снежня ў Гомельскай вобласці былі шпіталізаваны з пнеўманіяй каля 6.700 чалавек
У перыяд эпідэмічнага ўздыму захворвання на грып і ВРІ (з 29 кастрычніка па 4 снежня) у Гомельскай вобласці звярнуліся па медыцынскую дапамогу 191.659 чалавек, што ў 4,8 разу больш, чым за аналагічны леташні перыяд. Шпіталізавана 6.460 чалавек з ВРІ і 6.678 чалавек з пнеўманіяй.
Як паведамілі ў прэс‑службе Гомельскага аблвыканкама, зараз у вобласці адзначаецца зніжэнне захворвання на ВРІ і паляпшэнне эпідэмічнай сітуацыі. За апошнія два тыдні (19.11—02.12) зарэгістравана 46.720 выпадкаў вострых рэспіраторных інфекцый, што ў 2,4 разу менш у параўнанні з папярэднімі двума тыднямі (05.11—18.11).
У сувязі са змяншэннем узроўню захворвання з 4—5 снежня адменены супрацьэпідэмічныя мерапрыемствы ў Гомелі, Мазыры, Добрушскім, Ельскім, Гомельскім, Рагачоўскім, Светлагорскім і Чачэрскім раёнах.
***
Уздым захворвання на ВРІ ў Гомельскай вобласці сёлета пачаўся 29 кастрычніка — 4 лістапада. Ён рэгістраваўся ва ўсіх рэгіёнах Беларусі,
найбольшы ўзровень захворвання з пачатку сезона адзначаны ў Мінскай (16.560 выпадкаў на 100 тысяч насельніцтва) і Гомельскай (16.365 на 100 тысяч насельніцтва) абласцях,
найменшы — у Гродзенскай (10.886 на 100 тысяч насельніцтва) і Брэсцкай (10.942 на 100 тысяч насельніцтва) абласцях.
У Гомельскай вобласці ўздым захворвання на ВРІ адзначаўся амаль адначасова (з інтэрвалам тры‑пяць дзён) ва ўсіх рэгіёнах. Найбольшы ўзровень захворвання на ВРІ (вышэйшы за сярэднеабласныя паказчыкі) быў зарэгістраваны ў Гомелі, Мазыры, Рэчыцы, Ельскім, Нараўлянскім, Хойніцкім, Чачэрскім, Лельчыцкім і Буда‑Кашалёўскім раёнах.
З улікам наяўнай сітуацыі з 4 па 6 лістапада на ўсіх адміністрацыйных тэрыторыях былі ўведзены супрацьэпідэмічныя мерапрыемствы.
Найбольшыя ўзроўні захворвання на ВРІ адзначаліся 5—18 лістапада з пікам захворвання 9 лістапада, калі было зарэгістравана 20.078 выпадкаў ВРІ.
6 лістапада ў вобласці скончана імунізацыя дарослага і дзіцячага насельніцтва супраць грыпу. Прышчэплена 121.500 чалавек за кошт сродкаў рэспубліканскага і мясцовага бюджэтаў. За кошт сродкаў прадпрыемстваў, арганізацый і ўласных сродкаў насельніцтва прышчэплена 15.450 чалавек (ахоп па вобласці склаў 9,4%).
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3
Каментары