Таццяна Шапуцька вінаваціць міністра Мартынава ў хлусні
7 снежня актывісты моладзевых дэмакратычных арганізацый распачалі збор подпісаў у абарону Таццяны Шапуцькі. За два дні падпісаліся больш за 300 студэнтаў.
«Спадар Мартынаў казаў звычайную хлусню ці наўмысна, ці таму што ў яго кепскія інфарматары. Ён казаў, што інфармацыю яму прадставілі ва унівэрсітэце.
Але адміністрацыя унівэрсітэта ніякіх заўвагаў наконт пропускаў не рабіла і фармулёўка загаду аб адлічэнні ніяк не звязана з нейкімі пропускамі заняткаў. Такія выказванні Мартынава звязаныя з тым, што яму трэба было хоць неяк апраўдацца перад міністрамі замежных спраў краінаў Еўрасаюза. Гэта было адзінае больш‑менш нармальнае выйсце для яго».
Таццяна Шапуцька паведаміла, што мела размову з дэканам юрфаку.
«Размаўляла з намеснікам дэкана Андрэем Шыдлоўскім і ён мне паказвае загад на адлічэнне і кажа: «Вось вы бачыце, што тут няма такога, каб вас адлічылі з правам аднаўлення». Я спытала, што гэта значыць і ён адказаў,
што мяне выключылі без права аднавіцца на вучобе.
У такой сітуацыі магчымы два варыянты: або рэктар адклікае свой загад, або я буду аднаўляцца на вучобе праз суд».
7 снежня актывісты моладзевых дэмакратычных арганізацый распачалі збор подпісаў у абарону Таццяны Шапуцькі. За два дні падпісаліся больш за 300 студэнтаў.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары