Паўабаронца «Рэала» і зборнай Партугаліі Крышціяну Раналду з’яўляецца самым хуткім футбалістам у свеце згодна з вынікамі даследавання, апублікаванымі ў нямецкім выданні Der Spiegel.
Партугалец здольны развіць хуткасць да 33,6 км/г, што на 0,7 км/г больш, чым яго бліжэйшы канкурэнт хаўбэк «Баварыі» і зборнай Галандыі Ар’ен Робэн.
Трэцяе месца з вынікам 32,7 км/г заняў форвард «Арсенала» Тэа Уолкат, усяго толькі на 0,1 км/г апярэдзіўшы партнёра па зборнай Англіі форварда «Манчэстэр Юнайтэд» Уэйна Руні.
Пятым стаў яшчэ адзін «кананір» форвард зборнай Галандыі Робін ван Персі (32,1 км / г).
Адзначым, што рэкардсмен свету на 100‑метроўцы ямаец Усэйн Болт здольны разагнацца да 44,7 км/г.
Каментары