Разгляд крымінальнай справы актывіста БХД Юрыя Казака адбудзецца ў Наваградку ў аўторак 29 снежня. Пачатак а 10‑й, паведамляе прэс‑служба БХД.
Сустаршыня аргкамітэта стварэнні БХД Павел Севярынец у каментары «Нашай Ніве» зазначыў, што ўлады спецыяльна вырашылі прызначыць судовае паседжанне ў пераднавагодні дзень, спадзеючыся, што людская салідарнасць будзе размытая, і працэс пройдзе незаўважаным.
Павел Севярынец заклікаў усіх неабыякавых прыехаць у Наваградак, зазначыўшы, што ў судзе ў якасці экспертаў будуць выступаць афіцыйныя гісторыкі, якія будуць даводзіць пра гістарычную каштоўнасць помнікаў Леніну.
БХД будзе запрашаць у сваю абарону гісторыкаў‑антыкамуністаў.
***
Помнік ў Наваградку быў пашкоджаны ў ноч на 7 лістапада. Яго аблілі зялёнай фарбай.
У той жа дзень былі затрыманыя моладзевыя актывісты БХД. Дзеянні Юрыя Казака ахарактарызаваныя як «наўмысныя, парушаючыя грамадскі парадак і вызначаныя асаблівым цынізмам». Была заведзена крымінальная справа паводле часткі 1 арт. 339,
што прадугледжвае пакаранне ў выглядзе 3 гадоў хіміі, або штрафу.
Цяпер чытаюць
На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня26
Каментары