У Мінску ўчынены разбойны напад на кіроўцу машыны хуткай медапамогі
Разбойны напад на кіроўцу машыны хуткай медыцынскай дапамогі адбыўся ноччу 28 снежня ў Маскоўскім раёне Мінска.
Як паведамілі ў аддзеле інфармацыі і грамадскіх сувязей ГУУС Мінгарвыканкама, брыгада медыкаў прыехала па выкліку на вуліцу Ясеніна. Калі дактары зайшлі ў пад’езд, а кіроўца пачаў разварочвацца, да яго на хаду заскочыў малады мужчына, у руках якога быў нож. Пагражаючы ім, злачынца загадаў ехаць па названай ім дарозе. Зламыснік забраў у вадзіцеля мабільны тэлефон і газавы балончык.
Пакруціўшыся па раёне, ён загадаў кіроўцу спыніцца, інакш «адрэжа яму пальцы».
Калі «пасажыр» выйшаў, прыбраў нож і пайшоў у бок ад машыны, кіроўца паехаў да дома, з якога быў зроблены выклік.
Зламысніка праз некаторы час затрымаў па прыкметах нарад Маскоўскага аддзела дэпартамента аховы МУС.
У дачыненні да 25‑гадовага раней не судзімага мінчаніна, які працуе на адным з унітарных прадпрыемстваў, распачата крымінальная справа за разбой.
Цяпер чытаюць
Ціханоўскі: Я ж не ведаў, што людзі баяцца паказваць твары і баяцца за сваіх сваякоў! Я набіваю гузы сам33
Каментары