На 83‑м міжнародным хакейным турніры «Кубак Шпенглера», які праходзіць у швейцарскім Давосе, 29 снежня мінскае «Дынама» разграміла чэшскі клуб «Карлавы Вары» з лікам 8:0 (4:0, 3:0, 1:0). Першыя чатыры шайбы беларуская каманда закінула на працягу 132 секунд.
Развіццё падзей: 1:0 — Мялешка (2‑я хвіліна; асістэнты — Задзяленаў, Лінтнер), 2:0 — Чупрыс (2‑я), 3:0 — Хювенен (3‑я, у большасці; Пелтанен, Уэсткат), 4:0 — Мялешка (4‑я; Задзяленаў, Люткевіч), 5:0 — Уэсткат (23‑я), 6:0 — Хювенен (25‑я; Пелтанен, Лінтнер), 7:0 — Антонаў (29‑я, у большасці; Лінтнер), 8:0 — Кулакоў (42‑я; Дзямкоў).
Гэта самая буйная перамога «Дынама» ў гісторыі. Акрамя таго, ніколі раней каманда не закідвала восем шайб.
26 снежня беларускі клуб саступіў «Давосу» — 2:3, а 27‑га перамог нямецкі «Мангейм» — 2:1.
28 снежня «Мангейм» выйграў у «Карлавых Вар» — 2:1 (па булітах), а зборная Канады, складзеная з гуляючых у Еўропе легіянераў, — у «Давоса» — 6:2. У першым матчы аўторка «Мангейм» узяў верх над канадцамі — 5:2.
Становішча каманд: «Дынама» — 4 балы (3 гульні; розніца шайб 12‑4), «Мангейм» — 4 (3; 8‑5), Канада — 4 (3; 15‑13), «Давос» — 4 (3; 10‑11), «Карлавы Вары» — 2 (4; 10‑22).
У заключны дзень папярэдніх спаборніцтваў, 30 снежня, «Дынама» сустрэнецца з Канадай, а «Давос» — з «Мангеймам».
За любую перамогу камандзе налічваецца 2 балы, за паражэнне ў овертайме ці серыі булітаў — 1 бал, за паражэнне ў асноўны час — 0.
Каманды, якія занялі два першыя месцы, выходзяць у фінал, які адбудзецца 31 снежня.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы9
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары