Дарагія суайчыннікі! Шаноўныя сябры!
Калядныя і навагоднія святы мы ўсе традыцыйна адзначаем збіраючыся ў цёплым сямейным коле. Гэта таксама час для асэнсавання нядаўняга мінулага і час надзеі, чакання і жаданняў лепшае будучыні для сябе, сваіх родных і сяброў, нашай краіны.
2009 год быў няпростым. Ён прынёс вялікія складанасці, пра якія мы ўсе ведаем. Але не пазбавіў беларусаў надзеі, надзеі на годны, цывілізаваны і еўрапейскі шлях развіцця і далейшага росквіту. Далучэнне нашай краіны да праграмы еўрапейскага супрацоўніцтва «Ўсходняе партнёрства» дае нам гістарычны шанец адбудаваць Беларусь і вярнуцца ў еўрапейскую сям’ю.
Беларусь напярэдадні зменаў. Рэжым не вечны, таму нам сёння трэба думаць і дзейнічаць дзеля ўмацавання падмурку нашай незалежнасці, пашырэння дэмакратычных еўрапейскіх каштоўнасцяў у грамадстве, адстойвання правоў і годнасці кожнага чалавека. Нам трэба рабіць усё, каб гэтыя змены прынеслі большы дабрабыт у беларускія сем’і, адкрылі шырэйшую, еўрапейскую перспектыву для ўсіх нас і нашых дзяцей, каб кожны беларус адчуваў сябе абароненым і патрэбным у гэтыя пераломныя часы, каб ён цаніў і дбаў пра існаванне сваёй беларускай нацыі і дзяржавы.
Шлях да свабоды няпросты, але толькі ён дае нам шанец на годнае і заможнае жыццё.
Дарагія суайчыннікі! У сьвяты Божага Нараджэньня і Новага году хачу выказаць мае самыя цёплыя віншавальныя словы.
Хай Новы 2010 год прынясе вам і вашым родным моцнае здароўе, аптымізм і дабрабыт, радасць і шчырасць, вялікі плён і задавальненне ад стваральнай працы на сваю і грамадскую карысць, а таксама, нарэшце, упарадкаванне нашага агульнага дому — Беларусі.
Шаноўныя беларусы! Шчыра зычу, каб спраўдзіліся вашы калядныя чаканні, а вера ў лепшае, надзейныя сябры ды нязломны дух дапамагалі у Вашых здзяйсненнях.
Дык "уже нікто нікого не крітікует": усім добра.
Мілінкевіч знайшоў сваю нішу: "мы будзем рабіць выгляд, што змагаемся, а Лукашэнка хай робіць выгляд, што змагаецца з намі".
Хай Новы 2010 год прынясе ... упарадкаванне нашага агульнага дому — Беларусі.
Шаноўныя беларусы! Шчыра зычу, каб ... вера ў лепшае, надзейныя сябры ды нязломны дух дапамагалі у Вашых здзяйсненнях.»
Далучаюся!
З Новым Годам!
сённяшнія ўсы ўжо з перамовамі не надта спраўляюцца, таму на вусы Мілінкевіча асаблівыя спадзяванні. За Мілінкевічам жа Брусэль, а не голая дупа.
+++++++++++++++++++++++
Брусэль і ёсьць голая дупа...
--Прасьціця, мы за лой сьціраем.
А Расія залежыць ад грошай, якія Брусэль плаціць за пастаўкі энерганосьбітаў. Расія зараз куды цягне розныя Патокі і навошта? Туды, адкуль узамен ідуць грошы, каб папоўніць бюджэт. Каб, калі адна труба зачыніцца, грошы атрымаць ад паставак па другой, бо без грошай, асабліва ў наш складаны час... Так што гэтая аднабаковая канцэпцыя мегаРасіі, на якой трымаецца ўвесь свет, надта спрэчная. Хто яшчэ на кім трымаецца.
Што тычыцца "ізворотлівості", то лукашэнка даўно ўжо жорстка абраў адзіны ўсходні вектар і маскалям цяпер толькі застаецца сказаць: або кладзіся пад нас, або сядзі галодны. Ён жа сам публічна сказаў еўрапейцам: "вы нам Россію заменіте?" Расія пачула гэта вельмі добра і зрабіла правільныя для сябе высновы. Таму будуць яго цяпер трэсці як грушу, пакуль той апошняя не аддасць, бо ўсе адыходы на Захад ён даўно спаліў і досыць грунтоўна. Таму ў Мілінкевіча на перамовах будуць свае новыя казыры.
І ўвогуле, не рабіце з сучаснай улады бога. Свой рэсурс яна выпрацавала і ўжо пацягнула ад яе палёным.