4 каментары
Сяргей Гезгала; паведамленні інфармацыйных агенцтваў | 21:19, 22 лютага 2010
Дзеянні беларускіх уладаў супраць Саюза палякаў Беларусі адкінулі назад адносіны між Еўрасаюзам і Беларуссю, заявіла вярхоўная прадстаўніца ЕС па замежных справах і палітыцы бяспекі Кэтрын Эштан напрэс-канферэнцыі па выніках паседжання Рады міністраў замежных справаў ЕС.
 |
Пытанне пра развіццё сітуацыі ў Беларусі стала адной з тэмай абмеркавання кіраўнікамі еўрапейскіх дыпламатый.
«Гэтыя падзеі азначаюць крок назад у нашых адносінах», — падкрэсліла Эштан, якая пачынае сваю дзейнасць у якасці кіраўніцы дыпламатычнае службы ЕС. Яна звярнула ўвагу на тую адкрытасць, з якой Еўрасаюз заангажоўваў Беларусь апошнім часам.
У той жа час, зазначыла Эштан, Еўрасаюз не разглядае магчымасць аднаўлення санкцый у дачыненні да беларускага кіраўніцтва ў сувязі з іх дзеяннямі ў дачыненні да Саюзу палякаў Беларусі. «Мы не абмяркоўвалі санкцыяў», — заявіла Эштан.
Кэтрын Эштан сказала, што спадзяецца сустрэцца з міністрам замежных спраў Беларусі Сяргеем Мартынавым 25 лютага ў Кіеве на інаўгурацыі ўкраінскага прэзідэнта.
Падзяліцца навіной:
Дзіўна пра гэтае чуць. Быў прагіб эўраінтэгатараў перад беларускім рэжымам, які ім нічога і не абяцаў. І зараз усё ідзе ў тым жа рэчышчы.
Няхай сваім жонкам і мужам пагражаюць. лукашэнака ўсім паказаў, што такое гнілая Эўропа.
Сацыяльная рэкляма заклікае распавесьці Радзе Эўропы пра такія выпадкі)))