Разгляд справы СПБ адбудзецца пасля вяртання місіі парламентароў з Беларусі.
Еўрапейскі парламент прыме рэзалюцыю аб Беларусі пасля больш грунтоўнага азнаямлення з сітуацыяй. Аб гэтым сёння паведаміў старшыня Еўрапейскага парламента Ежы Бузак.«Хочам спраўдзіць, як выглядае сітуацыя на Беларусі, і пасля гэтага прыняць канчатковую рэзалюцыю еўрапейскага парламента» – заявіў Е.Бузак пасля сустрэчы з Анжалікай Борыс і Аляксандрам Мілінкевічам, што прыляцелі з візітам у Брусэль.
Плануецца, што разгляд справы СПБ адбудзецца на пачатку сакавіка, пасля вяртання чатырохасабовай шматпартыйнай місіі парламентароў з Беларусі, якая накіруецца туды адмыслова для азнаямлення з сітуацыяй.
Паводле іншай версіі, парламент ЕС цяпер не гатовы разглядаць справу СПБ праз незацікаўленасць праблемай еўрапейскіх левых.
Борыс і Мілінкевіч пакуль ніяк не каментуюць такое рашэнне Еўрапарламента. У Брусэлі яны адзінадушна выступілі супраць увядзення санкцый супраць Беларусі і за адкрытасць ЕС да беларускага грамадства. «Ёсць заклікі да ўвядзення санкцый. Але я як грамадзянка Беларусі ад 2005 году ніколі не заклікала да іх увядзення. Я перакананая, што трэба забяспечыць адкрытасць Еўропы грамадзянам Беларусі, беларускаму грамадству ў цэлым. Каб простыя грамадзяне маглі лёгка атрымаць шэнгенскую візу і прыехаць у Еўропу», – зазначыла Анжаліка Борыс.
Падобную пазіцыю заняў і А.Мілінкевіч. «ЕС павінен прадэманстраваць, што мае інструменты ўплыву на дыктатуры і аўтарытарныя рэжымы, бо толькі сілай можна змусіць улады да крокаў у бок дэмакратызацыі, — заявіў Мілінкевіч. — Якія гэта інструменты? — Усё вельмі проста. Беларусь атрымлівае падарункі ў выглядзе крэдытаў, не столькі ад ЕС, колькі ад Міжнароднага валютнага фонду. Але супраца з міжнароднымі інстытутамі павінна адбывацца на падставе правоў чалавека. Гэта прынцыповая рэч, — заявіў Мілінкевіч, лаўрэат прэміі імя Сахарава, што прысуджаецца Еўрапарламентам.
Запланаваныя сустрэчы Мілінкевіча й Борыс з усімі найбуйнейшымі фракцыямі парламента. Борыс таксама спаткаецца з еўракамісарам па пытаннях палітыкі суседства Штэфанам Фюле.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім24
Каментары