На думку экс‑кандыдата на пасаду прэзідэнта, найбольш актыўным кандыдатам пісалі самы малы працэнт. Тым не менш, лідэр Руху Аляксандр Мілінкевіч глядзіць на ўсё аптымістычна.
Кандыдаты ад Руху «За Свабоду» таксама не трапілі ў мясцовыя органы самакіравання. Тым не менш, лідэр Руху Аляксандр Мілінкевіч глядзіць на ўсё аптымістычна.
«Настрой у мяне добры. Пастаўленыя намі мэты дасягнутыя. Мы хацелі павялічыць пратэстны настрой у грамадстве, каб людзі больш ведалі пра альтэрнатыву, пра фальсіфікацыі. З паездак па рэгіёнах у мяне такое ўражанне, што грамадства стала больш спелым. Няма такога размежавання на тых, хто падтрымлівае ўладу і апазіцыю», — кажа А.Мілінкевіч.
На думку экс‑кандыдата на пасаду прэзідэнта, найбольш актыўным кандыдатам пісалі самы малы працэнт. У прыклад Мілінкевіч прывёў Алеся Лагвінца, які на сваёй акрузе заняў 6‑ае месца з 7‑і, і Юрася Меляшкевіч, які заняў апошняе месца.
«Прызнаваць легітымнасць гэтых выбараў нельга, яны сфальсіфікаваныя. Перад прэзідэнцкімі выбарамі будзе закручванне гаек.Выпадкі з Аўтуховічам і ягонымі сябрамі, а таксама з Алесем Зарэмбюком толькі даказваюць гэта. Я спадзяюся, што апазіцыя перад выбарамі можа аб’яднацца і правесці годную кампанію», — кажа лідэр Руху «За Свабоду».
Каментары