33‑гадовы мінчук падазраецца ў жорсткім забойстве жанчыны
33‑гадовы раней тройчы судзімы мінчанін затрыманы паводле падазрэння ў жорсткім забойстве 37‑гадовай жанчыны.
Як паведаміў старшы памочнік пракурора Мінска Сяргей Балашоў, труп жанчыны з 14 нажавымі раненнямі быў знойдзены ў 2.00 25 красавіка на лесвічнай пляцоўцы 20‑го паверха дома на вуліцы Лесі Украінкі. У той жа дзень была распачата справа на падставе ч. 1 арт. 139 Крымінальнага кодэкса (забойства).
Сумесна з супрацоўнікамі крымінальнага вышуку ГУУС Мінгарвыканкама высветлена, што падазроны пазнаёміўся з жанчынай 24 красавіка ў кампаніі сяброў і запрасіў яе да сябе дамоў. Па дарозе яна зняважыла мужчыну. Каб адпомсціць, ён зацягнуў яе на 20‑ы паверх суседняга са сваім дома, дзе і ўчыніў забойства. Нож кінуў на месцы злачынства.
Зараз устанаўліваецца дачыненне затрыманага да згвалтавання 28‑гадовай жанчыны 2 сакавіка гэтага года на могілках у раёне праспекта Дзяржынскага і да гвалтоўных дзеянняў сексуальнага характару ў дачыненні да непаўналетняй у лістападзе 2006 года.
«Я не хачу адпускаць жыццё». У пісьменніцы Святланы Курс рак на позняй стадыі10
Каментары