Падобна да таго, што Алесь Міхалевіч распачаў перадвыбарчую кампанію задоўга да яе афіцыйнага абвяшчэння. У міжнародны дзень інвалідаў ён перадаў Мінскай спецыялізаванай бібліятэцы для сляпых некалькі аўдыёкніг. Сярод іх — «Каласы пад сярпом тваім» Уладзіміра Караткевіча і «Адкуль наш род» Уладзіміра Арлова. Акрамя таго, Алесь Міхалевіч збіраецца перадаць згаданай бібліятэцы некалькі лінгафонных курсаў замежных моваў.
«Трэба праводзіць палітыку па інтэграцыі людзей з абмежаванымі магчымасцямі ў грамадскія і эканамічныя працэсы. Так, у краінах Еўрапейскага саюза сляпыя людзі часта працуюцьперакладчыкамі-сінхраністамі . Нам трэба ствараць магчымасці такой самарэалізацыі ў Беларусі», — заўважыў А. Міхалевіч.
У 1992 годзе людзі з абмежаванымі магчымасцямі з 17 краін адзначылі першы агульнаеўрапейскі Дзень барацьбы за роўныя правы і супраць дыскрымінацыі. Цяпер такія акцыі праводзяцца штогод 5 траўня.
Цяпер чытаюць
Мёртвым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ10
Каментары