«Застанецца нам з Колем карова» - маналог рэзідэнта Драздоў
- Я іду праз Дразды — правяраю пасты.
Яшчэ спяць і халопы, і Коля.
Не ўцярплю, як хлапчук, забягу у хляўчук:
Што за раніца без сырадою!..
- Я іду праз Дразды — правяраю пасты.
Яшчэ спяць і халопы, і Коля.
Не ўцярплю, як хлапчук, забягу у хляўчук:
Што за раніца без сырадою!
- Каб стабільнасць была, каб свірэпка расла,
Каб жыла і квітнела краіна,
На ўвесь свой апарат я накінуў загад:
Гадаваць на падворку скаціну!
- У Сідорскага ўчора калоў кабана
(У Сямашкі балон пазычалі)
Зваўся гэны кабан — Антыкрызісны План
Хоць па сале рэалізавалі.
- Год выседжваў Макей для Еўропы курэй,
Толькі выседзеў дэкаратыўных.
А Наташа Пяткевіч вырошчвае змей
Для айчыннай патрэб медыцыны
- Ліда у ЦВК дрэсіруе шпака,
Каб цягаў ёй са скрыні паперкі.
Ломаць, кажуць, гадуе дзіка ў КДК
І для страху бярэ на праверкі.
- Пракаповіч у банку завёў хамяка.
Што ён толькі за шчокі піхае?
Зайцаў у Камітэце трымае ваўка —
Той сабак Куляшова ганяе.
- Я дабрэю душой ля каровы сваёй…
Што б ні звягалі Дзіма і Вова,
Забяруць Белтрансгаз, і «Белшыну», і МАЗ,
Застанецца нам з Колем карова!
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары