На мінулым тыдні ў Беларусі патанулі 67 челавек, у тым ліку сямёра дзяцей.
На мінулым тыдні, з 7 па 13 чэрвеня, у вадаёмах Беларусі загінулі 67 чалавек, у тым ліку сямёра дзяцей.
Як паведамілі ў Беларускім рэспубліканскім таварыстве ратавання на водах, 57 чалавек на мінулым тыдні патанулі непасрэдна пры купанні, астатнія няшчасныя выпадкі адбыліся на рыбалцы: пры пераходзе ракі ўброд, ныранні і г.д. Большасць загінулых дарослых знаходзіліся ў стане алкагольнага ап’янення.
Дзве трагедыі на вадзе адбыліся па недаглядзе бацькоў.
Так, 13 чэрвеня ў кар’еры што каля вёскі Папоўшчына Мсціслаўскага раёна Магілёўскай вобласці, патануў дзесяцігадовы хлопчык. У гэты ж дзень па недаглядзе дарослых пры купанні ў рацэ Случ каля вёскі Ячава Слуцкага раёна патануў сямігадовы школьнік.
Ратавальнікам удалося выратаваць на вадзе 69 чалавек, а ў 550 выпадках — папярэдзіць трагедыю.
Са студзеня па 13 чэрвеня 2010 года ў Беларусі ад пападання вады ў дыхальныя шляхі загінулі 274 чалавекі, з іх 26 непаўналетніх (231 чалавек — за аналагічны перыяд 2009 года). Жыцці больш як 2,1 тыс. чалавек былі выратаваныя.
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1
Каментары