Грамадства

У Беларусі купанне забаронена ў 13 вадаёмах

Пра гэта паведамляе Рэспубліканскі цэнтр гігіены, эпідэміялогіі і грамадскага здароўя.

Па стане на 16 чэрвеня вынесены пастановы аб забароне купання ў Брэсцкай вобласці ў зоне адпачынку возера Катэра Камянецкага раёна і на пляжы ракі Лясная ў Камянцы. У Віцебскай вобласці непрыгодныя для купання вадаёмы ў зоне адпачынку азёр Янава, Шчаты, Гомель, Суя ў Полацкім раёне. Прычына — неадпаведнасць адабраных проб вады па мікрабіялагічных паказчыках.

З гэтай прычыны ў Гомельскай вобласці забаронена купанне ў зоне адпачынку ў гарадскім парку «Перамога» Калінкавіч.

З‑за адсутнасці адпаведнага ўладкавання пляжа санслужба забараніла купанне ў зоне адпачынку вадаёма ў населеных пунктах Кашалёва, Камунар, Дуравічы, Крыўск, Чырвоны Сцяг, Патапаўка Буда‑Кашалёўскага раёна Гомельскай вобласці.

Санслужба паведамляе, што пры вызначэнні прыгоднасці вадаёмаў для купання ацэньваецца выкананне нарматыва ўтрымання ў вадзе вадаёмаў бактэрый групы кішачнай палачкі, утрыманне ўзбуджальнікаў захворванняў, жыццяздольных яек гельмінтаў.

На паверхні вадаёма не павінны выяўляцца плёнкі, плямы мінеральных масел і збіранне іншых дамешкаў, а вада не павінна мець неўласцівыя ёй пахі.

Санслужба адзначае, што ў летнія месяцы часцей за ўсё пагаршаецца бактэрыялагічная якасць вады ў вадаёмах, што звязана як з інтэнсіўным размнажэннем мікраводарасцей, так і з масавым купаннем насельніцтва. Асноўнай прычынай забароны выкарыстання вадаёмаў для культурна‑бытавых мэтаў з’яўляецца перавышэнне дапушчальнага ўтрымання лактозастаноўчых кішачных палачак у вадзе, якія могуць выклікаць кішачныя расстройствы пры выпадковым заглынанні вады.

У купальны сезон кратнасць бактэрыялагічнага даследавання вады з вадаёмаў у месцах масавага адпачынку павялічваецца ў сярэднім да аднаго разу на тыдзень. Пры атрыманні двух паслядоўных нездавальняльных па бактэрыялагічных паказчыках вынікаў аналізаў вады з аднаго пункту адбору санслужба забараняе выкарыстанне вадаёма ў культурна‑бытавых мэтах, а пры атрыманні двух паслядоўных здавальняльных — дазваляе.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Усе навіны →
Усе навіны

Сяргей Ціханоўскі прыедзе на фэст «Тутака» на Падляшшы10

Bild публікуе «сакрэтны спіс» зброі, якую Украіна просіць у Германіі6

У 2026 годзе беларусы будуць адпачываць меней, чым у гэтым годзе

Ціханоўская — Трампу: Лукашэнку трэба пакараць, а не заахвочваць40

Пажар у Пухавіцкім раёне, дзе загінулі ўнучка і бабуля, быў выкліканы падпалам1

Беларус знайшоў рэдкую манету. За яе даюць ужо 18 тысяч рублёў, але таргі працягваюцца6

22-гадовы каліновец Ціхан «Франц» Клюкач атрымаў кантузію3

25 гадоў таму быў выкрадзены тэлеаператар Дзмітрый Завадскі1

У Віцебску асвоілі будаўніцтва тэхнічнага флота: зрабілі ўласны цеплаход4

больш чытаных навін
больш лайканых навін

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Галоўнае
Усе навіны →

Заўвага:

 

 

 

 

Закрыць Паведаміць