Усе каманды з Паўднёвай Амерыкі, што выйшлі на чэмпіянат свету па футболе, выйшлі ў плей-оф. Гэта зборныя Аргенціны, Бразіліі, Уругвая, Парагвая і Чылі.
Дарэчы, зборныя з гэтага кантынента дзевяць разоў выйгравалі Кубак свету: Бразілія – 5 разоў (1958, 1962, 1970, 1994, 2002), Уругвай (1930, 1950), Аргенціна (1978, 1986).
З 13 еўрапейскіх камандаў у плей-оф прабіліся меней за 50%, а менавіта – шэсць (Англія, Нямеччына, Галандыя, Іспанія, Партугалія, Славакія).
Чэмпіёны свету 2006 года – зборная Італіі – не змагла выйсці з групы, не прабіліся ў плей-оф чэмпіёны свету 1998 года зборная Францыі, а таксама швейцарцы, славенцы, грэкі, сербы, датчане.
Прабівальнасць камандаў з адборачнага турніру ў Азіі склала 50%. Выйшлі ў плей-оф Японія і Карэя, не змаглі выйсці КНДР і Аўстралія, што выступала цяпер у азіяцкім адборачным турніры.
З трох зборных, што прадсталяюць Паўночную і Цэнтральную Амерыкі, ў 1/8 фіналу выступяць ЗША і Мексіка, а Гандурас едзе дахаты.
Найлепшая каманда Акіяніі – Новая Зеландыі – плей-оф не прабілася, але выступіла вельмі годна, згуляўшы ўсе матчы ўнічыю і апярэдзіўшы ў групе чэмпіёнаў свету зборню Італіі.
Але самы правальны вынік – для зборных Афрыкі.
Толькі Гана выйшла ў плей-оф. Алжыр, Кот д’Івуар, Камерун, Нігерыя, ПАР спыніліся на групавым турніры, прычым зборная гаспадароў спаборніцтваў упершыню ў гісторыі чэмпіянатаў свету не трапіла ў плей-оф.
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі46
Каментары