Пра гэта паведаміў на прэс‑канферэнцыі 30 чэрвеня намеснік старшыні Мінгарвыканкама Міхаіл Ціцянкоў.
Ён адзначыў, што ўсе садкі будуюцца ў новых мікрараёнах: Лошыца‑4, Чырвоны Бор‑2, Сухарава‑5, Дружба‑1, Каменная Горка‑1 і Масюкоўшчына‑4. У двух апошніх упершыню будуць адкрыты садкі вялікай умяшчальнасці — па 230 месцаў.
У наступным годзе плануецца пабудаваць яшчэ восем садкоў. Гэта, на думку Ціцянкова, «не вырашыць праблему дэфіцыту месцаў у садках для дзяцей у новых мікрараёнах, але змякчыць яе». Паводле слоў прадстаўніка Мінгарвыканкама, будаўніцтва аднаго садка каштуе бюджэту прыкладна 7 млрд. рублёў.
Усяго на новае будаўніцтва ўстаноў адукацыі ў Мінску ў 2010 годзе будзе зрасходавана 140 млрд. рублёў. Акрамя садкоў будзе завершана будаўніцтва трох школ на 1.020 месцаў кожная — у мікрараёнах Дружба‑2, Каменная Горка‑1 і Міхалова‑1.
Прыкладна 40 млрд. рублёў будзе зрасходавана на капітальны рамонт школ (дахаў, фасадаў, харчаблокаў). Ціцянкоў запэўніў, што ўсе навучальныя ўстановы будуць своечасова падрыхтаваны да новага навучальнага года.
Паводле яго інфармацыі, сёння ў Мінску працуе прыкладна 460 дзіцячых садкоў і 245 школ.
